AP News: సినీనటుడు మోహన్‌బాబు తమ్ముడు రంగస్వామి నాయుడు కన్నుమూత

తిరుపతి: ప్రముఖ సినీనటుడు మోహన్‌బాబు తమ్ముడు మంచు రంగస్వామి నాయుడు(63) బుధవారం కన్నుమూశారు. చిత్తూరు జిల్లా తిరుపతిలో ఆయనకు గుండెపోటు రావడంతో వెంటనే ఆసుపత్రికి తరలించారు. ఆసుపత్రిలో చికిత్స పొందుతూ మృతి చెందినట్టు కుటుంబ సభ్యులు తెలిపారు. గురువారం ఉదయం తిరుపతి గోవింద ధామం వద్ద అంత్యక్రియలు నిర్వహించనున్నారు. ఈ కార్యక్రమానికి మోహన్‌బాబు కుటుంబ సభ్యులు హాజరుకానున్నారు. రంగస్వామి నాయుడు మృతి పట్ల పలువురు సంతాపం తెలిపారు.