Sajjanar: అలాంటి సంస్థలకు ప్రచారం చేయొద్దు: సెలబ్రిటీలకు సజ్జనార్‌ సలహా

హైదరాబాద్‌: మల్టీ లెవెల్‌ మార్కెటింగ్‌ సంస్థ ‘క్యూనెట్‌’కు టెన్నిస్‌ క్రీడాకారిణి సానియా మీర్జా ప్రచారం చేయడంపై ఐపీఎస్‌ అధికారి, ఆర్టీసీ ఎండీ సజ్జనార్‌ ట్విటర్‌ వేదికగా స్పందించారు. ఇలాంటి సంస్థలను సెలబ్రిటీలు ప్రమోట్‌ చేయడం కానీ, సపోర్టు చేయడం కానీ చేయవద్దని సలహా ఇచ్చారు. క్యూనెట్‌ లాంటి మల్టీలెవెల్‌ మార్కెటింగ్‌ వల్ల దేశ ఆర్థిక వ్యవస్థ దెబ్బతింటుందని ట్వీట్‌ చేశారు. సజ్జనార్‌ గతంలో హైదరాబాద్‌ సీపీగా ఉన్న సమయంలో క్యూనెట్‌ సహా పలు మల్టీ లెవెల్‌ మార్కెటింగ్‌ కంపెనీలపై చర్యలు తీసుకున్నారు.