India Corona: 16 వేలకు పైగా కొత్త కేసులు..39 మరణాలు

గణాంకాలు వెల్లడించిన కేంద్రం

దిల్లీ: దేశంలో కరోనా వైరస్ వ్యాప్తి అదుపులోనే ఉంది. తాజాగా 2.73 లక్షల మందికి కొవిడ్ నిర్ధారణ పరీక్షలు నిర్వహించగా.. 16,464 మందికి వైరస్‌ సోకినట్లు సోమవారం కేంద్ర ఆరోగ్యశాఖ వెల్లడించింది. ముందురోజు కంటే మూడువేల మేర కేసులు తగ్గాయి. 24 గంటల వ్యవధిలో 16,112 మంది కోలుకున్నారు. 39 మంది మరణించారు. క్రియాశీల కేసులు 1,43,989(0.33శాతం)కి చేరాయి. ఇప్పటి వరకూ 4.40 కోట్ల మందికి కరోనా సోకగా.. 98.48 శాతం మంది వైరస్‌ నుంచి బయటపడ్డారు. 5.26 లక్షల మంది మృత్యుఒడికి చేరుకున్నారు. నిన్న 8.34 లక్షల మంది టీకా తీసుకోగా.. మొత్తంగా 204 కోట్లకు పైగా డోసులు పంపిణీ అయ్యాయి.