Corona fear: ఈ ఎ,బి,సి,డి పాటించండి: కేంద్రం

ఆ వదంతులను నమ్మకండి

దిల్లీ: చిన్నప్పుడు మనం నేర్చుకున్న ఎ,బి,సి,డిలకు సరికొత్త నిర్వచనాలను తీసుకొచ్చింది కేంద్ర ప్రభుత్వం. ఎ అంటే యాపిల్‌, బి అంటే బాల్‌ కాకుండా వాటిని కరోనా నేపథ్యంలో మార్చింది. గతేడాది డిసెంబరు నెలలో డెల్టా వేరియంట్‌ తొలి కేసు నమోదు కాగా.. రెండో దశ విజృంభణలో ఈ వేరియంటే తీవ్ర ప్రభావం చూపించిన విషయం తెలిసిందే. ఆల్ఫా, బీటా, గామా, డెల్టా, లాంబ్డా.. అంటూ పుట్టుకొస్తున్న ఈ వైరస్‌ కొత్త రూపాలతో జనం ఉక్కిరిబిక్కిరవుతున్నారు. ఈ నేపథ్యంలో అనవసర భయాలను సృష్టించే సమాచారాన్ని నమ్మొద్దు.. వాటిని ఎవరికీ పొంపొద్దని విజ్ఞప్తి చేస్తూ సమాచార ప్రసారాల శాఖ ఈ ఏబీసీడీ సూత్రాన్ని ట్విటర్‌లో పోస్ట్‌ చేసింది. 

ఏమిటీ ఎ, బి, సి, డి?

ఎ- అడ్వయిజ్‌: మీ స్నేహితులు, కుటుంబసభ్యులకు అనధికార సమాచారాలను షేర్‌ చేయకండి

బి- బిలీవ్‌: ముఖ్యంగా ఆరోగ్యమంత్రిత్వ శాఖ, ఐసీఎంఆర్‌, ఎయిమ్స్‌, డబ్ల్యూహెచ్‌ఓ ఇచ్చే అధికారిక సమాచారాన్నే నమ్మండి

సి- క్రాస్‌ చెక్: సమాచార, ప్రసారాల మంత్రిత్వ శాఖతో పాటు ప్రెస్‌ ఇన్ఫర్మేషన్‌ బ్యూరో (పీఐబీ) అందించే కొవిడ్‌ సమాచార వివరాలు, వాటి గణాంకాలను ఒకటికి రెండుసార్లు సరిచూసుకోవాలి

డి- డోన్ట్‌ ప్రమోట్‌ ఫియర్‌: కరోనా వైరస్‌ వేరియంట్‌లు, వాక్సిన్లకు సంబంధించి భయాందోళనలు రేకెత్తించే సందేశాలు పంపించొద్దు.