Cinema News: బెట్టింగ్‌ ‘బ్యాచ్‌’

‘బాహుబలి’, ‘రేసుగుర్రం’ లాంటి చిత్రాల్లో బాల నటుడిగా కనిపించి ప్రేక్షకుల్ని మెప్పించాడు సాత్విక్‌ వర్మ. ఇప్పుడతన్ని హీరోగా పరిచయం చేస్తూ.. శివ తెరకెక్కించిన చిత్రం ‘బ్యాచ్‌’. రమేష్‌ గనమజ్జి నిర్మాత. నేహా పటాన్‌ కథానాయిక. ఈ సినిమాని రెండు భాగాలుగా విడుదల చేయనున్నారు. తొలి భాగాన్ని ఈనెల 11న ప్రేక్షకుల ముందుకు తీసుకురానున్నట్లు చిత్ర బృందం ప్రకటించింది. ఈ సందర్భంగా దర్శకుడు మాట్లాడుతూ ‘‘యువతరాన్ని లక్ష్యంగా చేసుకుని తెరకెక్కించిన చిత్రమిది. బెట్టింగ్‌ నేపథ్యంలో సాగే కథతో రూపొందింది. రఘు కుంచె సంగీతం చిత్రానికి ప్రధాన ఆకర్షణగా నిలుస్తుంది. ఈ సినిమా మంచి విజయాన్ని అందుకోవాలని కోరుకుంటున్నా’’ అన్నారు. ‘‘ఇప్పుడున్న పరిస్థితుల్లో మా చిత్రం బిజినెస్‌ అవడం చాలా సంతోషంగా ఉంది’’ అన్నారు నిర్మాత. ఈ చిత్రానికి కూర్పు: జెపి, ఛాయాగ్రహణం: వెంకట్‌ మన్నం.