Macherla Niyojakavargam: ‘మాచర్ల నియోజకవర్గం’లో కలెక్టర్‌ యాక్షన్‌

నితిన్‌ కథానాయకుడిగా ఎమ్‌.ఎస్‌.రాజశేఖర్‌ రెడ్డి తెరకెక్కిస్తున్న పొలిటికల్‌ యాక్షన్‌ థ్రిల్లర్‌ ‘మాచర్ల నియోజకవర్గం’. సుధాకర్‌ రెడ్డి, నిఖితా రెడ్డి సంయుక్తంగా నిర్మిస్తున్నారు. కృతిశెట్టి,  కేథరిన్‌ కథానాయికలు. బుధవారం నితిన్‌  పుట్టినరోజు సందర్భంగా ఈ సినిమా ఫస్ట్‌ ఎటాక్‌ (టీజర్‌)ను విడుదల చేశారు. ఎలాంటి సంభాషణలు లేకుండా ఓ శక్తిమంతమైన పోరాట ఘట్టాన్ని ఈ ప్రచార చిత్రంలో  చూపించారు. పులివేషాల్లో ఉన్న కొందరు రౌడీలు వేట కొడవళ్లతో నితిన్‌పై దాడి చేయగా.. ఆయన తనదైన శైలిలో వారి నుంచి తప్పించుకొని ఎదురు దాడి చేయడం టీజర్‌లో కనిపించింది. రాజకీయ నేపథ్య కథాంశంతో రూపొందుతున్న చిత్రమిది. యాక్షన్‌కు ఎంతో ప్రాధాన్యముంది. ఇందులో నితిన్‌ కలెక్టర్‌గా సిద్ధార్థ్‌ రెడ్డి అనే పాత్రలో కనిపిస్తారు. ఈ సినిమాకి సంగీతం: మహతి స్వర సాగర్‌, ఫైట్స్‌: వెంకట్‌, కూర్పు: కోటగిరి  వెంకటేశ్వరరావు, ఛాయాగ్రహణం: ప్రసాద్‌ మూరెళ్ల.