Updated : 29 Jan 2022 07:07 IST

Bhala Thandhanana Teaser:అవినీతిపై సామాన్యుడి పోరు

జయాపజయాలతో సంబంధం లేకుండా ప్రయోగాత్మక కథలతో ప్రయాణం చేస్తుంటారు హీరో శ్రీవిష్ణు. ఇప్పుడాయన నుంచి వస్తున్న కొత్త చిత్రం ‘భళా తందనాన’. చైతన్య దంతులూరి తెరకెక్కించారు. రజనీ కొర్రపాటి నిర్మించారు. కేథరిన్‌ కథానాయిక. రామచంద్రరాజు ప్రతినాయకుడిగా నటించారు. ఈ సినిమా టీజర్‌ను కథానాయకుడు నాని శుక్రవారం విడుదల చేశారు. ‘‘రాక్షసుడ్ని చంపడానికి దేవుడు కూడా అవతారాలు ఎత్తాలి. నేను మామూలు మనిషిని..’’ అంటూ శ్రీవిష్ణు చెప్పిన డైలాగ్‌తో టీజర్‌ ఆసక్తికరంగా మొదలైంది. ఈ సంభాషణను బట్టి.. ఓ సామాన్యుడు అవినీతి రాజకీయ నాయకులపై చేస్తున్న యుద్ధంలా ఈ కథ ఉండనున్నట్లు తెలుస్తోంది. ఇందుకు తగ్గట్లుగానే కథలో ఊహించని మలుపులు, యాక్షన్‌ హంగామా పుష్కలంగా ఉన్నట్లు అర్థమవుతోంది. ‘‘నిజాయితీగా ఉండాలనుకుంటే ఈ దేశంలో కామన్‌మెన్‌కు కూడా రిస్కే’’, ‘‘ఈరోజుల్లో లంచం లేనిదే.. కంచంలో అన్నం కూడా దొరకట్లేదు’’ అంటూ టీజర్‌లో వినిపించిన సంభాషణలు ఆసక్తిరేకెత్తించేలా ఉన్నాయి. ‘‘సీఎం కుర్చీలో కుర్చున్న ఎవరైనా.. ఒక్క సంతకంతో మొత్తం స్టేట్‌ ఫ్యూచర్‌నే మార్చేయొచ్చు. అంటే ఆ పవర్‌.. చేతిదా, లేదంటే కుర్చీదా?’’ అంటూ ఆఖర్లో విష్ణు చెప్పిన డైలాగ్‌ టీజర్‌కు ప్రత్యేక ఆకర్షణగా నిలిచింది. ప్రస్తుతం నిర్మాణాంతర కార్యక్రమాల్లో ఉన్న ఈ సినిమా.. త్వరలో ప్రేక్షకుల ముందుకు రానుంది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని