F3: ‘ఎఫ్‌3’ హుషారు

పాటలతో ప్రచార హోరుని కొనసాగిస్తున్నాయి అగ్ర తారల సినిమాలు. వెంకటేష్‌, వరుణ్‌తేజ్‌ కథానాయకులుగా నటిస్తున్న ‘ఎఫ్‌3’ సినిమాలోని రెండో పాటని ఈ నెల 22న విడుదల చేయనున్న సంగతి తెలిసిందే. ఆ పాట ప్రోమోని బుధవారం విడుదల చేశారు. ఆ ప్రోమో కలర్‌ఫుల్‌గా ప్రేక్షకుల్ని కనువిందు చేస్తోంది. దేవిశ్రీప్రసాద్‌ స్వరపరిచిన ఈ గీతంలో నాయకానాయికలతోపాటు సునీల్‌ సందడి చేసినట్టు తెలుస్తోంది.

సల్మాన్‌ఖాన్‌ చిత్రంలో వెంకీ

వెంకటేష్‌ మరోసారి హిందీ తెరపై సందడి చేయనున్నారు. సల్మాన్‌ఖాన్‌ కథానాయకుడిగా నటిస్తున్న ఓ సినిమాలో కీలక పాత్ర కోసం వెంకటేష్‌ని ఎంపిక చేసినట్టు సమాచారం. ‘అనారి’ చిత్రంతో ఇదివరకు హిందీ ప్రేక్షకులకి సుపరిచితం వెంకటేష్‌. సల్మాన్‌ఖాన్‌తో ఆయనకి మంచి స్నేహమూ ఉంది.