Mahesh Babu: సంక్రాంతికి... ఆనందంగా!

తాను కథానాయకుడిగా నటిస్తున్న ‘గుంటూరు కారం’ విడుదల విషయంలో స్పష్టతనిచ్చారు మహేశ్‌బాబు. ఆదివారం హైదరాబాద్‌లో జరిగిన ఓ కార్యక్రమంలో పాల్గొన్న ఆయన ‘సంక్రాంతికి  సినిమా వస్తుంది. అందరూ ఆనందంగా ఉంటార’ని చెప్పారు. త్రివిక్రమ్‌ దర్శకత్వంలో హారిక అండ్‌ హాసిని క్రియేషన్స్‌ పతాకంపై తెరకెక్కుతున్న చిత్రం ‘గుంటూరుకారం’. శ్రీలీల, మీనాక్షి చౌదరి కథానాయికలు. చాలా రోజుల కిందటే పట్టాలెక్కిన ఈ సినిమా చిత్రీకరణలో జాప్యం చోటు చేసుకొంటోంది. పలుమార్లు విడుదల తేదీ మారింది. తాజాగా.. ఆ అనుమానాలన్నింటికీ తెరదించుతూ మహేశ్‌బాబు స్పష్టతనిచ్చారు. ‘అతడు’, ‘ఖలేజా’ తర్వాత మహేశ్‌బాబు - త్రివిక్రమ్‌ కలయికలో రూపొందుతున్న చిత్రమిది. ప్రస్తుతం హైదరాబాద్‌లో కీలక సన్నివేశాల్ని తెరకెక్కిస్తున్నారు.