Nithiin: ‘ఇష్క్‌’ కలయిక మరోసారి

వరస ఫ్లాప్‌లతో ఇబ్బందిపడిన కథానాయకుడు నితిన్‌ మళ్లీ విజయాల బాట పట్టింది ‘ఇష్క్‌’ సినిమాతోనే. విక్రమ్‌ కె.కుమార్‌ దర్శకత్వంలో తెరకెక్కిన ఆ చిత్రం ప్రేక్షకుల్ని మెప్పించింది. రొమాంటిక్‌ డ్రామా కథల్లో కొత్త కోణాన్ని ఆవిష్కరించింది. 2012లో వచ్చిన ఆ చిత్రం తర్వాత మళ్లీ నితిన్‌ - విక్రమ్‌ కె.కుమార్‌ కలిసి సినిమా చేయలేదు. సుదీర్ఘ విరామం తర్వాత ఆ  కలయికలో సినిమా కోసం రంగం సిద్ధమైంది. ప్రస్తుతం నితిన్‌ ‘తమ్ముడు’, ‘రాబిన్‌హుడ్‌’ చిత్రాలు చేస్తున్నారు. ఇవి పూర్తయ్యాక నితిన్‌ - విక్రమ్‌ కాంబినేషన్‌లో సినిమా పట్టాలెక్కే అవకాశాలున్నాయి. ఇప్పటికే ఒక దఫా కథా చర్చలు పూర్తయినట్టు తెలిసింది. విక్రమ్‌ ఇటీవల ‘దూత’ వెబ్‌సిరీస్‌తో విజయాన్ని అందుకున్నారు.