Lal Salaam: లాల్‌ సలాం రాక ఆలస్యం?

‘జైలర్‌’గా ప్రేక్షకులను అలరించిన ప్రముఖ కథానాయకుడు రజనీకాంత్‌.. త్వరలో మొయిద్దీన్‌ భాయ్‌గా తెరపై సందడి చేయడానికి సిద్ధమవుతున్నారు. ఆయన కీలక పాత్రలో నటిస్తున్న చిత్రం ‘లాల్‌ సలాం’. ఐశ్వర్య రజనీకాంత్‌ ఈ చిత్రాన్ని తెరకెక్కించారు. చిత్రీకరణను పూర్తి చేసుకున్న ఈ సినిమా సంక్రాంతికి రానున్నట్లు ఇటీవలే చిత్రబృందం ప్రకటించింది. ఇప్పుడు ఈ సినిమా కోసం ఎదురుచూస్తున్న ప్రేక్షకులు మరికొంత కాలం ఆగాల్సిందే. తాజాగా ఈ సినిమాను జనవరి 26న విడుదల చేయడానికి చిత్రబృందం సన్నాహాలు చేస్తున్నట్లు తెలుస్తోంది. విష్ణు విశాల్‌, విక్రాంత్‌ కీలక పాత్రలు పోషిస్తున్న ఈ చిత్రంలో కపిల్‌ దేవ్‌, జీవిత అతిథి పాత్రల్లో కనిపించనున్నారు. లైకా ప్రొడక్షన్స్‌ ఈ చిత్రాన్ని నిర్మిస్తుంది.