Satyadev: క్రైమ్‌ యాక్షన్‌.. జీబ్రా

సత్యదేవ్‌ (Satyadev), డాలీ ధనంజయ హీరోలుగా ఈశ్వర్‌ కార్తీక్‌ ఓ పాన్‌ ఇండియా చిత్రం తెరకెక్కిస్తున్నారు. ఎస్‌.ఎన్‌.రెడ్డి, బాల సుందరం, దినేష్‌ సుందరం సంయుక్తంగా నిర్మిస్తున్నారు. ప్రియా భవానీ శంకర్‌ (Priya Bhavani Shankar), జెన్నిఫర్‌ కథానాయికలు. ఈ సినిమాకి ‘జీబ్రా’ (Zebra) అనే ఆసక్తికర టైటిల్‌ను ఖరారు చేశారు. లక్‌ ఫేవర్స్‌ ది బ్రేవ్‌.. అన్నది ఉపశీర్షిక. రిపబ్లిక్‌ డే సందర్భంగా గురువారం ఈ చిత్ర టైటిల్‌ లోగోను విడుదల చేశారు. కథానాయకుల పాత్రల తెలివిగల స్వభావాన్ని తెలియజేసేలా ఆ ప్రచార చిత్రాన్ని ఆసక్తికరంగా తీర్చిదిద్దారు. ‘‘క్రైమ్‌ యాక్షన్‌ ఎంటర్‌టైనర్‌ ఇది. 50రోజుల తొలి షెడ్యూల్‌ ముగిసింది. త్వరలో హైదరాబాద్‌, కోల్‌కతా, ముంబయిల్లో కొత్త షెడ్యూల్‌ ప్లాన్‌ చేస్తున్నాం. ఈ చిత్రానికి రవి బస్రూర్‌ సంగీతం ప్రధాన ఆకర్షణగా నిలుస్తుంది’’ అని చిత్ర నిర్మాతలు తెలిపారు. ఈ సినిమాకి కూర్పు: అనిల్‌ క్రిష్‌, ఛాయాగ్రహణం: సత్య పొన్మార్‌.