balakrishna: బాలకృష్ణకు జోడీగా శ్రద్ధ?

బాలకష్ణ కథానాయకుడిగా బాబీ దర్శకత్వంలో ఓ యాక్షన్‌ చిత్రం రూపొందుతోంది. దీన్ని సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌, శ్రీకర స్టూడియోస్‌ సంస్థలు సంయుక్తంగా నిర్మిస్తున్నాయి. ఇందులో శ్రద్ధా శ్రీనాథ్‌ ఓ కథానాయికగా కనిపించనుందని సమాచారం. ఆమె ఇటీవలే ఈ చిత్ర సెట్స్‌లోకి అడుగు పెట్టినట్లు తెలిసింది. ప్రస్తుతం ఈ చిత్ర నైట్‌ షెడ్యూల్‌ హైదరాబాద్‌లో జరుగుతోంది. దీనిలో భాగంగా బాలకృష్ణపై ఓ భారీ పోరాట ఘట్టాన్ని చిత్రీకరిస్తున్నారని సమాచారం. 1980ల దశకం నేపథ్యంలో సాగే ఓ ఆసక్తికర కథాంశంతో రూపొందుతోన్న ఈ చిత్రంలో బాలకృష్ణ రెండు కోణాలున్న పాత్రలో కనిపించనున్నారు. బాబీ దేవోల్‌ ప్రతినాయకుడిగా నటిస్తున్నారు.