Sudheer babu: యాక్షన్‌ షురూ

సుధీర్‌బాబు కథా నాయకుడిగా భవ్య క్రియేషన్స్‌ పతాకంపై ఓ యాక్షన్‌ థ్రిల్లర్‌ చిత్రం రూపొందుతోంది. మహేష్‌ దర్శకత్వం వహిస్తున్నారు. వి.ఆనంద్‌ప్రసాద్‌ నిర్మాత. ఈ సినిమా రెగ్యులర్‌ చిత్రీకరణ మంగళవారం హైదరాబాద్‌లో ప్రారంభమైంది. సుధీర్‌బాబు ఇందులో ఓ శక్తివంతమైన పోలీస్‌ అధికారి పాత్రని పోషిస్తున్నారు. నిర్మాత మాట్లాడుతూ ‘‘సుధీర్‌బాబు మా సంస్థలో ‘శమంతకమణి’ తర్వాత చేస్తున్న చిత్రమిది. ఆయన కనిపించే విధానం, పోరాట ఘట్టాలు కొత్తగా ఉంటాయి. ఏప్రిల్‌ 23 వరకు ఈ షెడ్యూల్‌ కొనసాగుతుంది. శ్రీకాంత్‌, ‘ప్రేమిస్తే’ భరత్‌ తదితరుల పాత్రలు గుర్తుండిపోయేలా ఉంటాయ’’న్నారు.