Vijay devarakonda: విజయ్‌ దేవరకొండ సినిమా క్యాన్సిలంటూ వార్తలు.. క్లారిటీ ఇచ్చిన టీమ్‌

ఇంటర్నెట్‌ డెస్క్‌: గౌతమ్‌ తిన్ననూరితో విజయ్ దేవరకొండ (Vijay Deverakonda) సినిమా చేస్తోన్న విషయం తెలిసిందే. #VD12 పేరుతో ఇది ప్రచారంలో ఉంది. తాజాగా ఈ సినిమాపై వస్తోన్న తప్పుడు వార్తలను టీమ్ ఖండించింది.

ఈ చిత్రం పూజా కార్యక్రమం జరిగి 8 నెలలైంది. ఇప్పటి వరకు ఎలాంటి అప్‌డేట్‌ లేకపోవడంతో ఈ ప్రాజెక్ట్‌ ఆగిపోయిందని వదంతులు మొదలయ్యాయి. బడ్జెట్‌ కారణంగా ఈ చిత్రం నిలిచిపోయిందని కొన్ని వెబ్‌సైట్లలో వార్తలు వచ్చాయి. వీటిపై టీమ్‌ క్లారిటీ ఇచ్చింది. ఆ వార్తలు నమ్మొద్దని పేర్కొంది. ప్రస్తుతం విజయ్‌ దేవరకొండ ‘ఫ్యామిలీ స్టార్‌’ సినిమాతో బిజీగా ఉన్నారని.. అది పూర్తయ్యాక ఈ షూటింగ్‌ మొదలుపెట్టనున్నట్లు వెల్లడించింది. మార్చి మొదటి వారంలో ప్రారంభమయ్యే అవకాశమున్నట్లు తెలిపింది.

‘ఓజీ’లో పవన్‌ పాట పాడతారా.. తమన్‌ ఏమన్నారంటే!

సితార ఎంటర్‌టైన్‌మెంట్‌ బ్యానర్‌పై రానున్న ఈ చిత్రానికి అనిరుధ్‌ సంగీతం అందిస్తున్నారు. ఇందులో విజయ్‌ దేవరకొండ గూఢచారి పాత్రలో కనిపించనున్నాడు. యాక్షన్‌ థ్రిల్లర్‌గా రూపొందుతున్న ఈ చిత్రంలో శ్రీలీల (Sreeleela) కథానాయిక. ప్రస్తుతం విజయ్‌ దేవరకొండ ‘ఫ్యామిలీ స్టార్‌’ (Family Star) షూటింగ్‌ శరవేగంగా జరుగుతోంది. ఇటీవలే న్యూయార్క్‌లో ఒక షెడ్యూల్ పూర్తయింది. పరశురామ్ దర్శకత్వం వహిస్తున్న ఈచిత్రంలో మృణాల్ ఠాకూర్‌ కథానాయిక.