Akhanda: ‘అఖండ’ విజయోత్సవం

అగ్ర కథానాయకుడు బాలకృష్ణ కెరీర్‌లో అత్యధిక గ్రాస్‌ వసూళ్లు సాధించిన చిత్రంగా నిలవడంతోపాటు.. ఓవర్సీస్‌లో  మిలియన్‌ డాలర్లు వసూలు చేసిన ‘అఖండ’ సినిమా విజయోత్సవాన్ని ఘనంగా నిర్వహించింది ఆ చిత్రబృందం. బోయపాటి శ్రీను దర్శకత్వం  వహించిన ‘అఖండ’ విడుదలై  25 రోజులైంది. ఈ సందర్భంగా చిత్రాన్ని తెలుగు రాష్ట్రాల్లో విడుదల చేసిన పంపిణీదారులతో కలిసి చిత్రబృందం ఇటీవల హైదరాబాద్‌లో విజయోత్సవాన్ని నిర్వహించింది. ఇందులో బాలకృష్ణ, దర్శకుడు బోయపాటి శ్రీను, నిర్మాత మిర్యాల రవీందర్‌రెడ్డి కలిసి పంపిణీదారులకి, సినీ వర్గాలకి జ్ఞాపికల్ని అందజేశారు.