Anand Devarakonda: ‘హైవే’లో ఏం జరిగింది?

ఆనంద్‌ దేవరకొండ కథానాయకుడిగా కేవీ గుహన్‌ తెరకెక్కిస్తున్న చిత్రం ‘హైవే’. వెంకట్‌ తలారి నిర్మాత. మానస రాధాకృష్ణన్‌ కథానాయిక. అభిషేక్‌ బెనర్జీ, సయామీ ఖేర్‌ కీలక పాత్రలు పోషిస్తున్నారు. ప్రస్తుతం నిర్మాణాంతర కార్యక్రమాల్లో ఉన్న ఈ సినిమా త్వరలో ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్లో భాగంగా సినిమాలోని నటీనటుల కాన్సెప్ట్‌ పోస్టర్స్‌ను విడుదల చేశారు. ఈ సందర్భంగా దర్శకుడు మాట్లాడుతూ ‘‘ఒకరితో ఒకరికి సంబంధం లేని నలుగురు వ్యక్తుల కథే ‘హైవే’. ఆద్యంతం ఆసక్తికరంగా సాగే సైకో క్రైమ్‌ థ్రిల్లర్‌ ఇది. ప్రేక్షకుల్ని సీటు అంచున కూర్చోబెడుతుంది’’ అన్నారు. ‘‘నిర్మాణాంతర కార్యక్రమాలు తుది దశలో ఉన్నాయి’’ అన్నారు నిర్మాత.