Paagal: పాగల్‌ ఫస్ట్‌ వీడియో సాంగ్‌ వచ్చేసింది..!

హైదరాబాద్‌: ‘ఫలక్‌నుమాదాస్‌’, ‘హిట్‌’ చిత్రాలతో మాస్‌ హీరోగా క్రేజ్‌ సంపాదించుకున్న నటుడు విశ్వక్‌సేన్‌. ఈసారి ఆయన లవర్‌బాయ్‌ పాత్రలో నటిస్తున్న చిత్రం ‘పాగల్‌’. నరేశ్‌ కొప్పిలి దర్శకత్వం వహించిన ఈ సినిమా ఆగస్టు 14న ప్రేక్షకుల ముందుకు రానుంది. ఈ నేపథ్యంలో చిత్రబృందం ‘పాగల్’ నుంచి ఫస్ట్‌ వీడియో సాంగ్‌ విడుదల చేసింది. ‘గూగులు గూగులు గూగులు.. గర్ల్‌ఫ్రెండ్‌ని వెతికే గూగులు.. వీడు పాగలు పాగలు పాగలు.. ప్రేమ కోసం వెతికే పాగలు’ అంటూ సాగే ఈ లిరికల్‌ పాటకు ఇప్పటికే మంచి ఆదరణ లభించింది. కాగా, తాజాగా వచ్చిన ఈ పాట ఫుల్‌ వీడియో ఆకట్టుకునేలా ఉంది. విభిన్నమైన ప్రేమకథతో యూత్‌ఫుల్‌ లవ్‌ ఎంటర్‌టైనర్‌గా రూపుదిద్దుకున్న ఈ సినిమాలో విశ్వక్‌ మాస్ ప్రేమికుడిగా కనిపించనున్నారు. దిల్‌ రాజు సమర్పణలో వేణుగోపాల్‌ ఈ చిత్రాన్ని నిర్మిస్తున్నారు. నివేదా పేతురాజ్‌ కథానాయిక. రాధన్‌ స్వరాలు సమకూర్చారు.