Telangana News: పీకే వ్యూహాలు తెలంగాణలో వర్కవుట్‌ కావు: లక్ష్మణ్‌

హైదరాబాద్‌: దేశంలో ఎన్నిపార్టీలు ఏకమైనా ప్రధాని మోదీని ఏమీ చేయలేరని.. మూడోసారి కూడా కేంద్రంలో భాజపాదే అధికారమని ఆ పార్టీ ఓబీసీ మోర్చా జాతీయ అధ్యక్షుడు లక్ష్మణ్‌ అన్నారు. ప్రశాంత్‌ కిశోర్‌ (పీకే), సీఎం కేసీఆర్‌ వ్యూహాలు తెలంగాణలో వర్కవుట్‌ కావని వ్యాఖ్యానించారు. హైదరాబాద్‌లోని భాజపా రాష్ట్ర కార్యాలయంలో నిర్వహించిన మీడియా సమావేశంలో ఆయన మాట్లాడారు. 

మొన్నటి వరకు భాజపా, కాంగ్రెసేతర ఫ్రంట్‌ ఏర్పాటుకు కేసీఆర్‌ ప్లాన్‌ చేశారని.. పీకేతో భేటీ తర్వాత కాంగ్రెస్‌తో కలిసి పనిచేసేలా ప్రణాళికలు వేసుకుంటున్నారని లక్ష్మణ్‌ అన్నారు. కాంగ్రెస్‌, తెరాసవి చీకటి ఒప్పందాలని.. ప్రజలకు వాస్తవాలు అర్థమవుతున్నాయని చెప్పారు. భాజపాకు వస్తున్న ఆదరణ చూసి ఓర్వలేకే తమ పార్టీపై కేటీఆర్‌ విమర్శలు చేస్తున్నారని లక్ష్మణ్ ఆరోపించారు.