Kishanreddy: భాజపా నేతలతో కిషన్‌రెడ్డి అత్యవసర సమావేశం

హైదరాబాద్‌: భాజపా తెలంగాణ రాష్ట్ర అధ్యక్షుడిగా నియమితులైన తర్వాత తొలిసారి హైదరాబాద్‌ విచ్చేసిన కేంద్ర మంత్రి కిషన్‌రెడ్డికి పార్టీ శ్రేణులు ఘన స్వాగతం పలికాయి. శంషాబాద్‌ విమానాశ్రయానికి భారీగా చేరుకున్న భాజపా కార్యకర్తలు, ఎన్నికల నిర్వహణ కమిటీ ఛైర్మన్‌ ఈటల రాజేందర్‌ తదితరులు కిషన్‌రెడ్డికి స్వాగతం పలికారు. అనంతరం గచ్చిబౌలి రాడిసన్‌ హోటల్‌లో భాజపా నేతలతో కిషన్‌రెడ్డి అత్యవసర సమావేశం నిర్వహించారు. ప్రధాని మోదీ వరంగల్‌ పర్యటన ఏర్పాట్లపై చర్చించారు. భాజపా రాష్ట్ర అధ్యక్షుడి హోదాలో కిషన్‌రెడ్డికి ఇది తొలి సమావేశం. పార్టీ నేతలు లక్ష్మణ్‌, డీకే అరుణ, ఈటల రాజేందర్‌, ఎంపీ అర్వింద్‌ తదితరులు సమావేశంలో పాల్గొన్నారు.