ఎన్‌ఎస్‌యూఐ నాయకుల అరెస్టు చట్టవిరుద్ధం

రేవంత్‌రెడ్డి, మహేశ్‌కుమార్‌గౌడ్‌

గాంధీభవన్‌, న్యూస్‌టుడే: విద్యారంగ సమస్యల పరిష్కారానికి డిమాండ్‌ చేస్తూ అసెంబ్లీ ముట్టడికి పిలుపునిచ్చిన ఎన్‌ఎస్‌యూఐ అధ్యక్షుడు బల్మూరి వెంకట్‌ సహా విద్యార్థి నాయకులను అరెస్టు చేసి పోలీసులు రిమాండ్‌కు పంపడాన్ని పీసీసీ అధ్యక్షుడు రేవంత్‌రెడ్డి, కార్యనిర్వాహక అధ్యక్షుడు మహేశ్‌కుమార్‌గౌడ్‌లు ఓ సంయుక్త ప్రకటనలో ఖండించారు. సమస్యలను తెలుసుకుని పరిష్కరించాల్సిన ప్రభుత్వం.. అక్రమ కేసులు పెట్టి రిమాండ్‌కు తరలించడం చట్టవిరుద్ధమని వారు పేర్కొన్నారు.

* అదానీ ఆస్తులపై సుప్రీంకోర్టు ప్రధాన న్యాయమూర్తి(సీజేఐ)తో విచారణ జరిపించాలని పీసీసీ మాజీ అధ్యక్షుడు వి.హనుమంతరావు డిమాండ్‌ చేశారు. ఆయన శనివారం గాంధీభవన్‌లో విలేకరుల సమావేశంలో మాట్లాడారు.

* ఉపాధ్యాయులు ఎదుర్కొంటున్న సమస్యలను అసెంబ్లీ సమావేశాల్లో ప్రస్తావించి పరిష్కారానికి ప్రభుత్వంపై ఒత్తిడి తేవాలని సీఎల్పీ నేత భట్టివిక్రమార్కను టీపీఆర్టీయూ వ్యవస్థాపక అధ్యక్షుడు జి.హర్షవర్ధన్‌రెడ్డి కోరారు. పీసీసీ ప్రధాన కార్యదర్శి చల్లా నర్సింహారెడ్డితో కలిసి ఆయన శనివారం సీఎల్పీ కార్యాలయంలో భట్టిని కలిసి ఈ మేరకు వినతిపత్రం అందజేశారు.