వివేకా హత్య, కోడికత్తి వ్యూహం జగన్‌దే.. అంగీకరించినందుకు ధన్యవాదాలు

మంత్రుల విమర్శల్ని తిప్పికొట్టిన తెదేపా

ఈనాడు డిజిటల్‌, అమరావతి: తెదేపా అధినేత చంద్రబాబు, ఎన్నికల వ్యూహకర్త ప్రశాంత్‌కిషోర్‌ భేటీపై తెదేపా (TDP), వైకాపా (YSRCP) నేతలు ఎక్స్‌ వేదికగా శనివారం పరస్పర విమర్శలు చేసుకున్నారు. మంత్రులు పెట్టిన పోస్టుల్ని తెదేపా నేతలు తిప్పికొట్టారు. ‘కోడికత్తి, వైఎస్‌ వివేకానందరెడ్డి హత్య..పీకే ప్లాన్‌ అన్నారు. ఇప్పుడు ఆ పీకేనే ఇంటికి తెచ్చుకున్నారు’ అని మంత్రి అంబటి రాంబాబు చేసిన పోస్టుకు ‘బాబాయ్‌ హత్య, కోడికత్తి వెనక వ్యూహం జగన్‌దేనని అంగీకరించినందుకు ధన్యవాదాలు..కోడిగుడ్డు మంత్రిగారూ..’ అని మాజీ మంత్రి అమర్‌నాథ్‌రెడ్డి బదులిచ్చారు. ‘మెటీరియలే మంచిది కాకపోతే మేస్త్రి ఏమి చేయగలడు’ అని మంత్రి అంబటి రాంబాబు చేసిన పోస్టుకు ‘నిజమే మీ దగ్గర మెటీరియల్‌ లేదు’ అని మాజీ మంత్రి కేఎస్‌ జవహర్‌ బదులిచ్చారు.