చంద్రబాబుపై రాయి విసిరిన సంఘటనపై విచారించాలి

విశాఖ పోలీసులకు తెదేపా ఫిర్యాదు

విశాఖపట్నం (గాజువాక), న్యూస్‌టుడే: విశాఖలోని గాజువాకలో ఆదివారం రాత్రి తెదేపా ప్రజాగళం ఎన్నికల ప్రచార సభలో పాల్గొన్న పార్టీ అధినేత చంద్రబాబుపై రాళ్ల దాడికి ప్రయత్నించిన వారిపై చర్యలు తీసుకోవాలని తెదేపా నాయకులు డిమాండ్‌ చేశారు. గాజువాక తెదేపా సమన్వయకర్త ప్రసాదుల శ్రీనివాస్‌, కార్పొరేటర్లు గంధం శ్రీనివాస్‌, పల్లా శ్రీనివాస్‌ తదితరులు సోమవారం విశాఖ సౌత్‌ ఏసీపీ టి.త్రినాథ్‌, గాజువాక సీఐ శ్రీనివాసరావును కలిసి ఈ మేరకు ఫిర్యాదు అందించారు. ఈ దిశగా ఇప్పటికే విచారణ చేపట్టామని, బాధ్యులపై చర్యలు తీసుకుంటామని ఏసీపీ త్రినాథ్‌ పేర్కొన్నారు.