Payyavula Keshav: మరో కుంభకోణానికి తెరలేపిన వైకాపా: పయ్యావుల కేశవ్‌

విజయవాడ: సీమ కరవు నివారణ ప్రాజెక్టుల పేరుతో వైకాపా ప్రభుత్వం భారీ దోపిడీకి పాల్పడిందని తెదేపా నేత పయ్యావుల కేశవ్ ఆరోపించారు. విజయవాడలో పయ్యావుల మీడియాతో మాట్లాడుతూ.. ‘‘పవన్‌ ఫైనాన్స్‌ కార్పొరేషన్‌ ద్వారా లిఫ్ట్‌ ఇరిగేషన్‌ పనుల కోసం రూ.3వేల కోట్లు అప్పు తెచ్చారు. ప్రభుత్వ ఖజానాకి రాకముందే దానిలో నుంచి  రూ.900 కోట్లు నేరుగా ప్రైవేటు కాంట్రాక్టర్‌కు చెల్లించారు. ప్రాజెక్టులకు ఎలక్ట్రో మెకానికల్‌ వర్క్స్‌ కోసమని అప్పులు తెచ్చారు. ఇన్ని అప్పులు తెచ్చినా.. ఆ పనులు మాత్రం జరగలేదు. జరిగిన కంభకోణంపై సీబీఐతో విచారణ జరిపించాలి. తాజాగా దేశం నివ్వెరపోయేలా మరో కుంభకోణానికి ప్రభుత్వం తెరలేపింది. దీనిపై దశలవారీగా ఆధారాలను బయటపెడతాం’’ అని పయ్యావులు పేర్కొన్నారు.