Kanna: చంద్రబాబుకు పేరొస్తుందని పట్టిసీమ మోటార్లు ఆన్‌ చేయట్లేదు: కన్నా

గుంటూరు: జులై 20వతేదీ వచ్చినా కాల్వలకు మరమ్మతు పనులు చేపట్టలేదని తెదేపా నేత, మాజీ మంత్రి కన్నా లక్ష్మీనారాయణ విమర్శించారు. గుంటూరులో నిర్వహించిన మీడియా సమావేశంలో ఆయన మాట్లాడారు. రైతులు చందాలు వేసుకొని కాల్వలకు మరమ్మతులు చేసుకునే పరిస్థితి ఏర్పడిందన్నారు. 

ధవళేశ్వరం నుంచి లక్ష క్యూసెక్కుల నీరు వదులుతున్నారని.. పట్టిసీమ నుంచి నీళ్లు తెచ్చి ప్రకాశం బ్యారేజీకి ఇవ్వట్లేదని కన్నా లక్ష్మీనారాయణ ఆరోపించారు. తెదేపా అధినేత చంద్రబాబుకు పేరొస్తుందనే పట్టిసీమ మోటార్లు ఆన్‌ చేయట్లేదన్నారు. పోలవరం ప్రాజెక్టును వైకాపా పూర్తి చేసే పరిస్థితి లేదన్నారు. పట్టిసీమ నుంచి వెంటనే కృష్ణా డెల్టాకు నీరు విడుదల చేయాలని కన్నా డిమాండ్‌ చేశారు. తెదేపా కార్యకర్తలపై దాడి చేసి వారిపైనే తిరిగి కేసులు పెడుతున్నారని ఆయన ఆగ్రహం వ్యక్తం చేశారు.