Shubman Gill: నా అంచనాలను అందుకోలేకపోయా
ఇంగ్లాండ్తో సిరీస్ మొదలయ్యే సమయానికి యువ బ్యాటర్ శుభ్మన్ గిల్పై చాలా ఒత్తిడే ఉంది. పెద్దగా ఫామ్లో లేకపోవడం అందుకు కారణం. పైగా ఓపెనింగ్ స్థానం నుంచి మూడో స్థానానికి మారాల్సివచ్చింది.
రాంచి: ఇంగ్లాండ్తో సిరీస్ మొదలయ్యే సమయానికి యువ బ్యాటర్ శుభ్మన్ గిల్పై చాలా ఒత్తిడే ఉంది. పెద్దగా ఫామ్లో లేకపోవడం అందుకు కారణం. పైగా ఓపెనింగ్ స్థానం నుంచి మూడో స్థానానికి మారాల్సివచ్చింది. కానీ ఒత్తిడిని అధిగమిస్తూ పరుగుల బాట పట్టాడు. మూడు టెస్టులు ముగిసేసరికి ఫామ్తో కనిపిస్తున్నాడు. ఓ సెంచరీ, ఓ 91 సహా 42 సగటుతో 252 పరుగులు చేశాడు. అయితే తాను తన బ్యాటింగ్లో విపరీతంగా సాంకేతిక మార్పులేమీ చేయలేదని గిల్ అన్నాడు. తనపై తాను పెట్టుకున్న అంచనాల ఒత్తిడిని తట్టుకోవడమే ముఖ్యమని చెప్పాడు. ‘‘బయటి వాళ్లు ఏమన్నా నేనేమీ పట్టించుకోను. దేశం కోసం, జట్టు కోసం ఎలా ఆడాలన్నదానిపై ప్రతి ఒక్కరికి కొన్ని అంచనాలుంటాయి. అలా నాపై నేను పెట్టుకున్న అంచనాలు అందుకోలేనందుకు నిరాశకు గురయ్యా. కానీ నా దృక్పథంలో ఎలాంటి మార్పు లేదు. ఇప్పటికీ నా అంచనాల్లో ఎలాంటి మార్పు లేదు. వైఫల్యాలను మరిచిపోయి ఎంత త్వరగా తర్వాతి సవాల్కు సిద్ధమవుతామన్నదే ముఖ్యం. పెద్ద ఆటగాడికి, సగటు ఆటగాడికి మధ్య తేడా ఇదే’’ అని గిల్ వివరించాడు. 24 ఏళ్ల గిల్.. విశాఖపట్నం టెస్టుకు ముందు 11 ఇన్నింగ్స్ల్లో ఒక్క అర్ధశతకం కూడా చేయలేకపోయాడు. విశాఖ టెస్టుతో ఫామ్ అందుకున్న అతడు.. మిగతా మ్యాచ్ల్లోనూ అదే జోరు కొనసాగించాలనుకుంటున్నాడు. మిడిల్ ఆర్డర్లో బ్యాటింగ్కు దిగినప్పుడు పరిస్థితులకు తగ్గట్లు ఆడడం తప్పనిసరి అని గిల్ చెప్పాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బుమ్రా బౌలింగ్ ఫుటేజీలను విపరీతంగా చూశా: జేక్ ఫ్రేజర్
దిల్లీ భారీ స్కోరు చేసి విజయం సాధించడంలో ఆస్ట్రేలియా కుర్రాడు జేక్ ఫ్రేజర్ కీలక పాత్ర పోషించాడు. దూకుడైన ఆటతీరుతో ముంబయి బౌలర్లను వణికించాడు. -
భారీ లక్ష్య ఛేదన కోసం మేం పరీక్ష పెట్టుకొన్నాం: హార్దిక్ పాండ్య
దిల్లీ చేతిలో ఓటమితో ముంబయి ప్లే ఆఫ్స్ అవకాశాలు సన్నగిల్లాయి. మరోవైపు రిషభ్ పంత్ సేన ఛాన్స్లు మెరుగయ్యాయి. -
రాయల్స్.. రయ్మని
ఎప్పుడో ఐపీఎల్ తొలి ఏడాది ఛాంపియన్గా నిలిచింది రాజస్థాన్. ఆ తర్వాత మరోసారి ట్రోఫీని ముద్దాడలేకపోయింది. 2022లో అవకాశమొచ్చినా తుది మెట్టుపై బోల్తా కొట్టింది. -
ముంబయి కొద్దిలో...
ఐపీఎల్లో ఇప్పుడు 250 స్కోరు చేసినా గెలుస్తామన్న గ్యారెంటీ లేదు. కోల్కతా-పంజాబ్ మధ్య గత మ్యాచ్లో కేకేఆర్ 261 పరుగులు చేస్తే.. పంజాబ్ 8 బంతులు ఉండగానే అంతటి లక్ష్యాన్ని ఊదేసింది. -
జ్యోతి అదరహో..
తెలుగమ్మాయి వెన్నం జ్యోతి సురేఖ అదరగొట్టింది. ఆర్చరీ ప్రపంచకప్ కాంపౌండ్ విభాగంలో హ్యాట్రిక్ స్వర్ణాలు సాధించింది. -
ఫిడే గ్రాండ్ప్రి బరిలో హంపి, హారిక
ఫిడే మహిళల చెస్ గ్రాండ్ప్రి సిరీస్లో భారత స్టార్లు కోనేరు హంపి, ద్రోణవల్లి హారిక బరిలో దిగుతున్నారు. -
భారత్ శుభారంభం
ఉబెర్ కప్ బ్యాడ్మింటన్ టోర్నమెంట్లో భారత్ శుభారంభం చేసింది. -
రన్నరప్గా షన్విత జోడీ
ఐటీఎఫ్ జూనియర్ సర్క్యూట్ టెన్నిస్ టోర్నమెంట్లో తెలుగమ్మాయి షన్వితరెడ్డి రన్నరప్గా నిలిచింది.