ICC: శ్రీలంక క్రికెట్‌పై ఐసీసీ నిషేధం ఎత్తివేత

దుబాయి: శ్రీలంక క్రికెట్‌కు ఐసీసీ (ICC) గుడ్‌న్యూస్‌ చెప్పింది. ఆ దేశ క్రికెట్‌(SLC) సభ్యత్వంపై విధించిన నిషేధాన్ని ఎత్తివేస్తున్నట్లు ప్రకటించింది. ఈ నిర్ణయం తక్షణమే అమలులోకి వస్తుందని ఆదివారం తెలిపింది. ఒక సభ్య దేశంగా శ్రీలంక తన బాధ్యతలను ఉల్లంఘించిందని, మరీ ముఖ్యంగా శ్రీలంక క్రికెట్‌(SLC) స్వయం ప్రతిపత్తితో వ్యవహరించలేకపోతోందని ఆగ్రహం వ్యక్తం చేస్తూ  గతేడాది నవంబర్‌లో ఐసీసీ నిషేధం విధించిన విషయం తెలిసిందే. అయితే, సస్పెన్షన్‌ విధించినప్పటి నుంచి పరిస్థితులను పర్యవేక్షించిన ఐసీసీ.. తాజాగా ఈ నిర్ణయం తీసుకుంది. ఈ విషయాన్ని శ్రీలంక క్రీడల మంత్రి హరిన్‌ ఫెర్నాండో ‘ఎక్స్‌’ వేదికగా వెల్లడించారు.