శ్రీవారి ప్రసాదానికి ప్రకృతి వ్యవసాయ ఉత్పత్తులు

తిరుపతి, న్యూస్‌టుడే: తిరుమల శ్రీవారి నైవేద్యం, ఇతర ప్రసాదాల తయారీ కోసం 12 రకాల గో ఆధారిత ప్రకృతి వ్యవసాయ ఉత్పత్తులు సేకరించాలని తితిదే నిర్ణయించింది. ఈ మేరకు రాష్ట్ర రైతు సాధికార సంస్థ, మార్క్‌ఫెడ్‌తో ఒప్పందం చేసుకున్నట్లు తితిదే ఈవో ఏవీ ధర్మారెడ్డి తెలిపారు. తిరుపతిలో శనివారం ఆ సంస్థ, మార్క్‌ఫెడ్‌ ఉన్నతాధికారులతో ఆయన సమీక్షించారు.

బయోడీగ్రేడబుల్‌ ప్లేట్ల తయారీపై పరిశోధనలు: సతీష్‌రెడ్డి

తిరుమలలో బయోడీగ్రేడబుల్‌ ప్లేట్లు, కప్పులు, గ్లాసులు అందుబాటులోకి తీసుకొచ్చేందుకు తమ శాస్త్రవేత్తలు పరిశోధనలు చేస్తున్నారని డీఆర్‌డీవో ఛైర్మన్‌ సతీష్‌రెడ్డి పేర్కొన్నారు. శనివారం ఉదయం వీఐపీ బ్రేక్‌ దర్శన సమయంలో ఆయన శ్రీవారిని దర్శించుకున్నారు. ఈ సందర్భంగా సతీష్‌రెడ్డి మీడియాతో మాట్లాడుతూ.. గతంలో తమ శాస్త్రవేత్తలు బయోడీగ్రేడబుల్‌ కవర్లు తయారుచేశారని, వాటిని తిరుమలలో లడ్డూ విక్రయ కేంద్రం వద్ద అందుబాటులోకి తీసుకొచ్చారని చెప్పారు. త్వరలోనే బయోడీగ్రేడబుల్‌ ప్లేట్లు, కప్పులు, గ్లాసులను అందుబాటులోకి తెస్తామని తెలిపారు.