20ల్లోనే ఆలోచించాలి

రమ్య ఇప్పుడే ఉద్యోగంలోకి అడుగు పెడుతోంది. అయిదారేళ్లు నచ్చినట్లుగా ఉండి, ఆపై భవిష్యత్‌ గురించి ఆలోచిద్దాం అనుకుంటోంది. కానీ 20ల్లోనే ప్రణాళిక సిద్ధం చేసుకుంటే.. జీవితాన్ని తీర్చిదిద్దుకోవడం తేలికవుతుందనేది నిపుణుల సూచన.

Published : 07 Dec 2021 00:50 IST

రమ్య ఇప్పుడే ఉద్యోగంలోకి అడుగు పెడుతోంది. అయిదారేళ్లు నచ్చినట్లుగా ఉండి, ఆపై భవిష్యత్‌ గురించి ఆలోచిద్దాం అనుకుంటోంది. కానీ 20ల్లోనే ప్రణాళిక సిద్ధం చేసుకుంటే.. జీవితాన్ని తీర్చిదిద్దుకోవడం తేలికవుతుందనేది నిపుణుల సూచన.

* ఆరోగ్యం.. జీవితాంతం సంతోషంగా ఉండాలంటే నిండైన ఆరోగ్యం తప్పనిసరి. వ్యాయామంతో శరీరం, ధ్యానంతో మనసూ ఆరోగ్యంగా ఉంటాయి. అలాగే విటమిన్లు, ఖనిజ లవణాలున్న ఆహారానికి ప్రాధాన్యమివ్వాలి. చర్మసౌందర్యాన్నీ ముందు నుంచి కాపాడుకోవాలి. అప్పుడే నలభయ్యోపడిలో చర్మంలో కలిగే మార్పులను ముందే నియంత్రించు కోవచ్చు. తీరా చేయిదాటాక చర్యలు చేపట్టినా ఫలితం పొందడం కష్టమే.

* ఆర్థికంగా.. సంపాదన మొదలైనప్పటి నుంచే మూడోవంతు పొదుపు తప్పనిసరి. బాధ్యతలుంటే వాటికి విడిగా ఓ ఖాతా తెరిచి జమ చేస్తుండాలి. భూమి, బంగారం వంటి వాటిపై పెట్టుబడి భవిష్యత్తులో ఉపయోగపడుతుంది. ఆరోగ్యబీమానూ చిన్నవయసు నుంచే మొదలుపెడితే పాలసీ తక్కువగా ఉంటుంది. అనుకోని ప్రమాదాలు, అనారోగ్యాలకు ఈ పొదుపు రక్షణగా ఉంటుంది.

* మీ కోసం.. మారుతున్న టెక్నాలజీ దృష్ట్యా నిరంతరం నేర్చుకోవడం ఇప్పుడు సాధారణమైంది. ఇప్పటివరకూ అమ్మా నాన్నే వెచ్చించారు కదా! ఇకపై వీటి కోసమూ మీరు కొంత పక్కన పెట్టుకోండి. ఎలాగూ ఉద్యోగం వచ్చిందిగా అన్న ధోరణి వద్దు. కొత్తవాటిపై అవగాహన పెంచుకోవాలి. వంటపైనా దృష్టిపెడితే ఒంటరిగా ఉండాల్సి వస్తే ఉపయోగ పడుతుంది. సమయం లేక పక్కన పడేసిన అభిరుచులపైనా దృష్టిపెట్టండి. వాటిని ప్రయత్నించడానికీ ఇదే సరైన సమయం. స్నేహితులు, బంధువులకు కొంత సమయం కేటాయిస్తుండండి. ఇప్పటి నుంచే దీన్నీ ప్లాన్‌ చేసుకుంటే మంచిది.

Trending

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

బ్యూటీ & ఫ్యాషన్

ఆరోగ్యమస్తు

అనుబంధం

యూత్ కార్నర్

'స్వీట్' హోం

వర్క్ & లైఫ్

సూపర్ విమెన్