బెల్లం.. ఎందుకు మంచిదంటే..!
తీపి తినాలనుకుంటే చక్కెరే అవసరం లేదు. దానికి ప్రత్యామ్నాయంగా బెల్లం ఎంచుకోవచ్చు. రుచితో పాటు ఆరోగ్యాన్నీ అందించే బెల్లం ఎన్నో రకాలుగా మేలు చేస్తుంది....
తీపి తినాలనుకుంటే చక్కెరే అవసరం లేదు. దానికి ప్రత్యామ్నాయంగా బెల్లం ఎంచుకోవచ్చు. రుచితో పాటు ఆరోగ్యాన్నీ అందించే బెల్లం ఎన్నో రకాలుగా మేలు చేస్తుంది.
⚛ ఇందులో క్యాల్షియం ఉంటుంది. ఇది ఎముకలను దృఢంగా ఉంచుతుంది.
⚛ దీనిలో ఇనుము, ఫాస్ఫరస్ మూలకాలు ఉంటాయి. ఇవి రక్తహీనత సమస్య ఎదురుకాకుండా చేస్తాయి. రక్త వృద్ధికి తోడ్పడతాయి. రక్తాన్నీ శుద్ధిచేసే గుణం దీనికి ఉంది. గర్భిణులు దీన్ని తరచూ ఆహారంలో తీసుకోవడం వల్ల రకరకాల వ్యాధులు, అలర్జీల బారిన పడకుండా చూసుకోవచ్చు.
⚛ చక్కెర బదులు దీన్ని తీసుకోవడం వల్ల రక్తంలో చక్కెర స్థాయులు అదుపులో ఉంటాయి. ఇందులో యాంటీఆక్సిడెంట్లూ ఎక్కువే. ఇవి రోగనిరోధక శక్తిని పెంచుతాయి. దీన్ని తీసుకుంటే మలబద్ధకం సమస్యా ఉండదు.
⚛ బెల్లం తింటే మెదడు చురుగ్గా పని చేస్తుంది. కంటి చూపు బాగుంటుంది. ఇది డిటాక్స్‌లా పనిచేసి కాలేయాన్ని శుభ్రపరుస్తుంది. బరువూ నియంత్రణలో ఉంటుంది.
⚛ రోజుకో చిన్న బెల్లం ముక్క తినే మహిళల్లో నెలసరి సమయంలో ఎదురయ్యే సమస్యలు చాలావరకూ తగ్గుతాయని అధ్యయనాలు చెబుతున్నాయి. ముఖ్యంగా కడుపునొప్పి, తలనొప్పి వంటివి అదుపులో ఉంటాయి.
⚛ నీరసంగా అనిపించినప్పుడు చిన్న బెల్లం ముక్క నోట్లో వేసుకుని చూడండి. అప్పటికప్పుడు శక్తి అందుతుంది.
⚛ సమయం ఉన్నప్పుడు బెల్లంతో చిక్కీలు, ఇతర పోషక పదార్థాలు కలిపి ఎనర్జీ బార్స్‌ చేసుకోండి. పాలల్లోనూ చక్కెరకు బదులు బెల్లం వేసుకుని చూడండి.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
