అదరగొట్టేస్తున్న యూట్యూబ్‌ ‘స్టార్స్‌’
close
Updated : 04/07/2021 04:49 IST
Facebook Share Twitter Share WhatsApp Share Telegram Share Link Share

అదరగొట్టేస్తున్న యూట్యూబ్‌ ‘స్టార్స్‌’

ప్రస్తుతం సోషల్‌ మీడియా ట్రెండ్‌ నడుస్తోంది. అభిమానగణం, ఆదాయం రెండూ ఇక్కడ సులువుగా సాధించొచ్చు. అందుకే సెలబ్రిటీలు సైతం వెండితెర మీదే కాదు వెబ్‌సిరీస్‌లు, వ్లాగ్స్‌తో టీవీ, మొబైల్‌ స్క్రీన్‌ల మీదా దర్శనమిస్తున్నారు. ప్రత్యేకించి సొంత యూట్యూబ్‌ ఛానెల్స్‌తో సందడి చేస్తున్నారు. తరచూ వీడియోలు పెడుతూ అభిమానుల్ని ఆకట్టుకుంటున్నారు.


చక్కని అలవాట్లు చేయాలని...
ఉపాసనా కామినేని (3.82 లక్షల సబ్‌స్క్రైబర్స్‌, 275 వీడియోలు)

హీరో రామ్‌చరణ్‌ భార్యగానే కాదు.... అపోలో ఆసుపత్రుల సీఎఎస్‌ఆర్‌ విభాగానికి వైస్‌ఛైర్మన్‌గా, ఆ ఆసుపత్రుల ఎండీగా ఆమెకో ప్రత్యేక గుర్తింపు ఉంది. యువర్‌లైఫ్‌ బై ఉపాసనా కామినేని పేరుతో నాలుగేళ్ల క్రితం యూట్యూబ్‌ ఛానెల్‌నీ ప్రారంభించారామె. ప్రకృతితో సావాసం, జీవనశైలిని ఆరోగ్యకరంగా మలచుకోవడం వంటి విషయాల్లో సూచనలందిస్తున్నారు. ఈ ఆల్‌ఇన్‌ వన్‌ ప్లాట్‌ఫామ్‌లో సహజంగా తయారు చేసే పదార్థాలు/వస్తువులు మొదలుకుని చర్మ సంరక్షణ వరకూ ఎన్నో విభాగాలు ఉన్నాయి. అప్పుడప్పుడూ సమంత,  రకుల్‌ వంటి తారలు వచ్చి వంటకాలను చేసి చూపి ఆకట్టుకుంటున్నారు.

సాయానికి వంటలు చేసింది!

రకుల్‌ (2.40 లక్షల సబ్‌స్కైబర్స్‌, 52 వీడియోలు)

సినిమాలతోపాటు సామాజిక మాధ్యమాల్లోనూ చురుగ్గా ఉంటారు రకుల్‌ ప్రీత్‌. గతేడాది తన పేరుతోనే యూట్యూబ్‌ ఛానెల్‌ని ప్రారంభించారు. ఇందులో ఆరోగ్యకర వంటకాల తయారీ, యోగా - వర్కవుట్లు, చర్మసంరక్షణ, స్నేహితురాళ్లతో చిట్‌చాట్‌ వంటివీ పంచుకుంటారు. వాటిల్లో వంటల వీడియోల ఆదాయాన్ని పీఎం కేర్స్‌ ఫండ్‌కు విరాళంగా అందించారు. ఇందులో భాగంగానే మొదట చాకొలెట్‌ పాన్‌కేక్‌ తయారీని వీక్షకులకు పరిచయం చేశారు. 200 కరోనా బాధిత కుటుంబాలకు నిత్యవసరాలనూ అందించారు.

మిలియన్‌ వ్యూస్‌ అందుకుంది..
హన్సిక మోత్వానీ (1.99 లక్షలు, 34 వీడియోలు)

అయిదు భాషల్లో నటిగా గుర్తింపు తెచ్చుకున్న హన్సిక కరోనా లాక్‌డౌన్‌ వేళ యూట్యూబ్‌ ఛానల్‌ను ప్రారంభించారు. వ్యక్తిగత జీవితాన్ని పరిచయం చేస్తూనే, వివిధ అంశాలపై వీడియోలు చేశారు. భారతీయ పెళ్లిళ్లు, మేకప్‌, ఫొటోషూట్‌, మాల్దీవుల విహారం... ఇలా చాలానే ఉన్నాయి. తను క్వారంటైన్‌లో ఉన్నప్పుడు, సోదరుడి మెహెందీ వేడుక వీడియోలు 10 లక్షలకు పైగానే వ్యూస్‌ అందుకున్నాయి.

మేకప్‌ మెలకువలతో...
చిన్మయి శ్రీపాద (1.74లక్షలు, 373 వీడియోలు)

గాయనిగా డబ్బింగ్‌ ఆర్టిస్ట్‌గా ప్రముఖురాలు. అంతేకాదు.. మహిళలు, సామాజిక సమస్యలపై ధైర్యంగా గళమెత్తుతారామె. తనూ చిన్మయి శ్రీపాద పేరుతో యూట్యూబ్‌ ఛానెల్‌ నిర్వహిస్తున్నారు. దీంట్లో మేకప్‌, అందాన్ని కాపాడుకోవడం వంటివి పాఠాలుగా చెబుతున్నారు. సామాజిక అంశాలపైనా, అపోహలపైనా అవగాహన కల్పిస్తున్నారు. ఐసెల్‌ ఆఫ్‌ స్కిన్‌ పేరుతో సౌందర్య ఉత్పత్తులనూ తీసుకొచ్చారు.

కూతురితో కలిసి...
మంచు లక్ష్మి (1.26 లక్షలు, 25 వీడియోలు)

ప్రముఖ నటుడు మోహన్‌బాబు గారాల పట్టిగానే కాకుండా నటి, నిర్మాతగా మంచు లక్ష్మి సత్తాని నిరూపించుకున్నారు. తను, కూతురు విద్యా నిర్వాణతో కలిసి యూట్యూబ్‌ ఛానెల్‌ పెట్టారు. దానిపేరే చిట్టీచిలకమ్మ. ఇందులో స్పిల్‌ ఈజ్‌ వెల్‌ పేరుతో తొలివీడియోను పోస్ట్‌ చేశారు. పిల్లలు ఇల్లంతా చిమ్మేసిన వస్తువుల్ని సులువుగా ఎలా శుభ్రం చేయాలో ఇందులో చూపించారు. చిన్నారులకు అర్థమయ్యేలా పాఠాలు చెబుతున్నారు. పిల్లల పెంపకం, వారిని ఒత్తిడికి దూరంగా ఎలా ఉంచవచ్చు... వంటి విషయాలపై తనదైన శైలిలో వీడియోలు చేస్తూ ఆకట్టుకుంటున్నారు.

జీవిత కథే తొలి వీడియో!

 మంజుల ఘట్టమనేని  (26.9 వేలు, 56 వీడియోలు)

‘షో’ మూవీతో నటిగా, నిర్మాతగా గుర్తింపు తెచ్చుకున్నారు హీరో మహేశ్‌బాబు సోదరి మంజుల ఘట్టమనేని. ‘మనసుకు నచ్చింది’ చిత్రంతో దర్శకురాలిగానూ మారారు. ఇప్పుడు తన పేరుతోనే వెబ్‌సైట్‌, యూట్యూబ్‌ ఛానళ్లను ప్రారంభించారు. తన జీవితకథనే తొలి వీడియో. జీవన శైలి, సమయపాలన, ఆహారం, ఆరోగ్యం, దైవం, స్ఫూర్తి కలిగించే అంశాలకు సంబంధించిన విషయాలెన్నో ఇందులో పంచుకుంటున్నారు మంజుల.ఇతరులు నా గురించి ఏమనుకుంటున్నారో నేను పట్టించుకోను. వాళ్ల గురించి నేను ఏమనుకుంటున్నాననేదే నాకు ముఖ్యం.

 


ఇతరులు నా గురించి ఏమనుకుంటున్నారో నేను పట్టించుకోను. వాళ్ల గురించి నేను ఏమనుకుంటున్నాననేదే నాకు ముఖ్యం.

- విద్యాబాలన్‌, సినీనటి

 


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని