చేతికర్రే కాపాడుతుంది

ఇంద్ర యాగం ఆపిన కారణంగా ఉన్నట్టుండి గోకులాన్ని కుండపోత వర్షం ముంచెత్తింది. ఆ ప్రాంతం అంతా భయానకంగా మారింది. యాదవులను రక్షించేందుకు శ్రీకృష్ణుడు గోవర్ధనగిరిని చిటికెన వేలితో ఎత్తి గొడుగులా పట్టు కున్నాడు. అందరూ కొండ కిందికి చేరిపోయారు. ఓ వృద్ధుడు చేతికర్రను కొండ కింద మోటించి ఊతంగా పెట్టి ‘కన్నయ్య పసివాడు, కొండేమో పెద్దది. ఇంత బరువు మోయలేక జారవిడిస్తే కష్టం కదా’ అన్నాడు. ‘అదే జరిగితే ఈ కర్ర కొండను నిలప గలుగుతుందా?’ అంటూ నవ్వారంతా. కానీ వృద్ధుడు పట్టించుకోలేదు. అతడికి కృష్ణుడి మీద కంటే తన చేతికర్ర మీదే నమ్మకం. ‘భగవంతుణ్ణి విశ్వసించి నిబ్బరంగా ఉంటే తప్పక రక్షణ లభిస్తుంది. మనకిక ఎలాంటి అనుమానం, చింతా అవసరం లేదు’ అంటూ నిశ్చింతగా కళ్లు మూసుకున్నాడు మరో వృద్ధుడు.

శివరాజేశ్వరి