ఆస్క్‌ ది ఎక్స్‌పర్ట్‌

నేను మహబూబాబాద్‌ జిల్లా వాసిని. ఒకటి నుంచి పదో తరగతి వరకు జనగాంలో చదివాను. ఈ రెండు ప్రాంతాలు  వేర్వేరు జోన్‌లలో ఉన్నాయి. నివాసం లేదా చదువుకున్న స్థలం ఆధారంగా నేను ఏ జోన్‌ కిందకు వస్తానో తెలియజేయండి.

- భూక్య

జ: జనగాం జిల్లా ఏ జోన్‌ పరిధిలోకి వస్తే మీరు అదే జోన్‌ కిందకు వస్తారు.

గ్రూప్‌ - 2 లో కొన్ని పోస్ట్‌లకు బీఏ అర్హత ఉంది. నేను బీఫార్మసీతో పాటు దూరవిద్యలో బీఏ చేశాను. టీఎస్‌పీఎస్సీ రిజిస్ట్రేషన్‌లో అర్హత దగ్గర బీఫార్మసీ అని పెట్టాను. బీఏ అర్హత ఉన్న పోస్టులకు ఎంపికైతే ఎలా? ఓటీఆర్‌ రిజిస్ట్రేషన్‌ ఇంకా అప్‌లోడ్‌ చేయలేదు. ఈ సమస్యకు పరిష్కారం తెలియజేయండి.      

- శ్రీలక్ష్మి

జ: గ్రూప్‌ - 2 పోస్టులకు ఏదైనా డిగ్రీ పట్టా ఉన్నవారు అర్హులు. మీరు చదివిన బీఫార్మసీ డిగ్రీ కిందకే వస్తుంది కాబట్టి అన్ని పోస్టులకు పోటీ పడొచ్చు.

నేను ఎస్‌ఐ ఉద్యోగానికి ఎలా ప్రిపేర్‌ కావాలి? ఏయే సబ్జెక్టులపై పట్టు సాధించాలో తెలియజేయండి.

- పుష్ప

జ: ఎస్‌ఐ ఉద్యోగానికి జనరల్‌ స్టడీస్‌ అంశాలను బాగా చదవాలి. మ్యాథ్స్‌, ప్యూర్‌ మ్యాథ్స్‌, అరిథ్‌మెటిక్‌పై పట్టు సాధించడం పరీక్ష ప్రిపరేషన్‌లో కీలకమైన అంశం.