ఆస్క్‌ ది ఎక్స్‌పర్ట్‌

* జూన్‌ మొదటివారంలో ఓపెన్‌ ఇంటర్‌ పరీక్షలు పూర్తవుతాయి. నాకు గ్రూప్‌-4 రాసుకోవడానికి అర్హత ఉందా?

- దుర్గాప్రసన్న

జ: నోటిఫికేషన్‌ విడుదలయ్యే సమయానికి ఇంటర్‌ పరీక్ష ఉత్తీర్ణులైన సర్టిఫికెట్‌ మీ చేతిలో ఉంటే తప్పకుండా దరఖాస్తు చేసుకోవచ్చు.

* తెలంగాణలో ఒకటో తరగతి నుంచి నాలుగో తరగతి వరకు చదివి, ఆంధ్రప్రదేశ్‌లో అయిదో తరగతి నుంచి ఏడో తరగతి వరకు చదివితే టీఎస్‌పీఎస్సీ పరీక్షలు రాయడానికి తెలంగాణ స్థానికత వర్తిస్తుందా?

- వనజ

జ: తెలంగాణలో టీఎస్‌పీఎస్సీ పరీక్షలు రాయడానికి మీకు ఇక్కడి స్థానికత వర్తించదు.

*  మా అబ్బాయి ఒకటో తరగతి నుంచి నాలుగో   తరగతి వరకు హైదరాబాద్‌లో, అయిదో తరగతి ఖమ్మం, ఆరో తరగతి హైదరాబాద్‌, ఏడు నుంచి పదో తరగతి రంగారెడ్డిలో చదివాడు. ఏ జిల్లాలో  స్థానికతను పొందుతాడు?

- హుక్యా

జ: మీ అబ్బాయి హైదరాబాద్‌లో స్థానికతను పొందుతాడు.

* ఒకటో తరగతి నుంచి అయిదో తరగతి వరకు మహారాష్ట్రలో చదివి, ఆరో తరగతి నుంచి డిగ్రీ వరకు తెలంగాణలో చదివాను. నాకు తెలంగాణ రాష్ట్ర స్థానికత వర్తిస్తుందా?

- బీతం అశీష్‌

జ: ప్రాథమిక విద్య అంతా మరొక రాష్ట్రంలో జరగడం వల్ల మీకు తెలంగాణ స్థానికత వర్తించదు.

మీ సందేహాలను పోస్ట్‌ చేయడానికి క్యూఆర్‌ కోడ్‌ స్కాన్‌ చేయండి.
help@eenadupratibha.net