ఒకేసారి రెండు డిగ్రీలు?

బీఈడీ మొదటి సంవత్సరం (బయాలజీ, ఇంగ్లిష్‌, మెథడాలజీ) రెగ్యులర్‌గా చదువుతున్నాను. దీంతోపాటు దూరవిద్యలో ఎంఏ చదవాలనుకుంటున్నాను. ఒకే ఏడాది రెండు డిగ్రీలు చదివితే ప్రభుత్వ ఉద్యోగ సాధనలో ఏమైనా ఇబ్బంది ఉంటుందా?

- ఎన్‌.చైతన్య

* యూజీసీ ఇటీవల జారీ చేసిన రెగ్యులేషన్స్‌ ప్రకారం ఒకే సమయంలో ఒక డిగ్రీని రెగ్యులర్‌ పద్ధతిలో, మరో డిగ్రీని ఆన్‌లైన్‌/ డిస్టెన్స్‌/ ఓపెన్‌ పద్దతిలో చేయవచ్చు. కానీ బీఈడీ కోర్సు నేషనల్‌ కౌన్సిల్‌ ఫర్‌ టీచర్‌ ఎడ్యుకేషన్‌ (ఎన్‌సీటీఈ) నియంత్రణలో ఉన్నందువల్ల వారి మార్గదర్శకాలు అనుసరించవలసి ఉంటుంది. ఎన్‌సీటీఈ సంస్థ ఇప్పటివరకు డీ…ఈడీ/బీఈడీ/ ఎంఈడీలతో పాటు మరో డిగ్రీ చేయవచ్చనే విషయాన్ని చెప్పలేదు కాబట్టి, మీరు బీఈడీ పూర్తిచేసిన తరువాతే, ఎంఏ చదవండి. బీఈడీ ప్రొఫెషనల్‌ కోర్సు కాబట్టి, మీరు బీఈడీపై శ్రద్ధ పెట్టి, ఆ కోర్సులో సరైన శిక్షణ పొందండి.

- ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌