TSPSC Group 4 Results: గ్రూప్‌- 4 పరీక్ష ఫలితాలు విడుదల

TSPSC Group 4 Results | హైదరాబాద్‌: తెలంగాణలో గ్రూప్‌-4 ఉద్యోగ నియామక పరీక్ష ఫలితాలు (TSPSC Group 4 Results) విడుదలయ్యాయి. అభ్యర్థుల ర్యాంకుల వివరాలను తెలంగాణ రాష్ట్ర పబ్లిక్‌ సర్వీస్‌ కమిషన్‌ (TSPSC) శుక్రవారం రాత్రి వెల్లడించింది. అభ్యర్థులు తమ అధికారిక వెబ్‌సైట్‌ https://www.tspsc.gov.in/లో ర్యాంకులు చూసుకోవాలని TSPSC సూచించింది. ధ్రువపత్రాల వెరిఫికేషన్‌కు ఎంపికైన వారి వివరాలు త్వరలో వెల్లడిస్తామని తెలిపింది. తెలంగాణలో గ్రూప్‌-4 సర్వీసుల్లో 8,180 పోస్టుల భర్తీకి సంబంధించి రాత పరీక్ష (పేపర్‌-1, పేపర్‌-2) గతేడాది జులై 1న నిర్వహించిన విషయం తెలిసిందే. ఈ పరీక్షకు రాష్ట్ర వ్యాప్తంగా 9,51,321 మంది దరఖాస్తు చేసుకోగా.. దాదాపు 80శాతం మందికి పైగా అభ్యర్థులు హాజరయ్యారు.

ర్యాంకుల జాబితా కోసం క్లిక్‌ చేయండి

జాబితాలో మొత్తం 726837 మంది అభ్యర్థుల ర్యాంకులు ఉన్నట్లు టీఎస్‌పీఎస్సీ తెలిపింది. కమిషన్ నిబంధనలు ఆధారంగా జాబితా రూపొందించినట్లు పేర్కొంది. తిరస్కరణకు గురైనవారి వివరాలను ర్యాకింగ్స్‌లో చేర్చనట్లు టీఎస్‌పీఎస్సీ తెలిపింది. మొత్తం 300 మార్కులకు అత్యధికంగా 220.458 మార్కులతో కుమురం భీం ఆసిఫాబాద్‌ జిల్లాకు చెందిన అభ్యర్థి ప్రథమస్థానంలో నిలిచారు.