కొంచెం తీపి... కొంచెం పులుపు...

పోషకాలం

కాస్త తియ్యగా.. మరికాస్త పుల్లగా ఉండే కమలాపండు తింటే భలే హాయిగా ఉంటుంది కదూ... రుచితోపాటు దీంట్లో పోషకాలూ ఎక్కువే. అవేమిటో తెలుసుకుందామా...
* దీంట్లో సిట్రిక్‌ యాసిడ్‌, విటమిన్‌- బి1, బి6, బి12, విటమిన్‌-సి, బీటాకెరోటిన్‌ ఉంటాయి.
* దీంట్లోని పోషకాలు గొంతు ఇన్‌ఫెక్షన్ల నుంచి రక్షణ కల్పిస్తాయి.  
* దీన్ని తినడం వల్ల కంటిచూపు మెరుగుపడుతుంది.
* దీంట్లోని విటమిన్‌-సి దగ్గూ, జలుబు నుంచి ఉపశమనం కలిగిస్తుంది.
* కాలేయం, గుండె, మూత్రపిండాల పనితీరును మెరుగుపరుస్తుంది.
* పొట్ట ఉబ్బరంతో బాధపడేవాళ్లు దీని తీసుకోవడం వల్ల ఫలితం ఉంటుంది.
* మూత్ర సమయంలో  మంటగా ఉంటే కమలారసంలో కొబ్బరినీటిని కలిపి తాగితే మంచిదంటారు.
* ఇది రోగనిరోధక శక్తిని పెంచుతుంది.
* దీంట్లోని పీచు పదార్థం మలబద్ధకాన్ని తగ్గిస్తుంది.