ఖర్‌ ఉండాల్సిందే!

పొరుగు రుచి!

అసోమీలు ఏ వంట వండాలన్నా కూడా అందులో ఖర్‌ ఉండాల్సిందే. ఇంతకీ ఈ ఖర్‌ ఏంటనేగా మీ సందేహం...
అసోమీలు ఏ వంటకాలని చేసినా అందులో ఖర్‌ అనే ప్రత్యేక పదార్థాన్ని కలుపుతారు. మనం ఉల్లిపాయ లేకుండా కూర ఎలా వండమో అలా వీళ్లు ఈ పదార్థం లేకుండా వంట చేయరు. పైగా ఖర్‌ తిననివాడు అసలు అసోమీయే కాదని స్థానిక సామెత. ఇంతకీ ఖర్‌ అంటే ఏంటో తెలుసుకుందాం. స్థానికంగా దొరికే ఒక రకం అరటికాయ తొక్కలని ఈ ఖర్‌ చేసేందుకు వాడతారు. తొక్కలని ఎండబెట్టి.... కాల్చి బూడిదగా చేస్తారు. ఈ బూడిద నుంచి వడకట్టిన స్వచ్ఛమైన నీళ్లనే ఖర్‌ అంటారు. కొన్నిసార్లు అరటికాయతో కాకుండా... బొప్పాయి, కీరదోస తొక్కలతో ఈ నీళ్లని తయారుచేస్తారు. వంటకాలకి క్షార గుణాన్ని తెచ్చేందుకు, చక్కగా జీర్ణం అయ్యేందుకు ఈ నీళ్లను వాడతారట. ముఖ్యంగా చేపలకూర, పప్పూబొప్పాయి వంటి వంటకాలని దీంతో చేస్తారు.