పోషకాల పొత్తు!

చల్లటి వాతావరణంలో వేడి వేడి మొక్కజొన్న పొత్తు తింటుంటే ఆహా అనిపిస్తుంది కదూ. పసిడి రంగులో మెరిసిపోతూ ఆరోగ్యాన్నిచ్చే మొక్కజొన్నలోని పోషకాలేంటో తెలుసుకుందామా...

* మొక్కజొన్నలో విటమిన్లు-ఎ, బి, సి, ఇలు... వీటితోపాటు పోషకాలు, ఖనిజాలు మెండుగా ఉంటాయి. ఈ కండెలోని పీచు ఆహారం అరుగుదలకు తోడ్పడుతుంది. కాబట్టి వీటిని ఆహారంలో చేర్చుకుంటే మలబద్ధకం సమస్య ఉత్పన్నం కాదు.

*  ఈ పొత్తులోని విటమిన్‌-బి12, ఇనుము, ఫోలిక్‌ ఆమ్లం రక్తవృద్ధికి తోడ్పడతాయి.

*  ఇది రక్తంలోని కొలెస్ట్రాల్‌ను తగ్గించి గుండె ఆరోగ్యాన్ని కాపాడుతుంది. రక్తపోటునూ నియంత్రిస్తుంది.

*  కంకిలోని ఫాస్ఫరస్‌ కిడ్నీల ఆరోగ్యంలో ప్రధాన పాత్ర వహిస్తుంది. అలాగే మెగ్నీషియం ఎముకలకు బలాన్నిస్తుంది. 

*  దీన్ని మధుమేహులూ తినొచ్చు.

*  ఈ గింజల్లోని బీటాకెరొటిన్‌ కంటి ఆరోగ్యానికి మంచిది.

*  ఇది ఫ్రీరాడికల్‌్్సను నిరోధించి చర్మాన్ని మెరిసేలా చేస్తుంది.

*  దీంట్లో మాంసకృత్తులు మెండుగా ఉంటాయి.

*  నాడులు, కండరాల ఆరోగ్యానికి మంచిది.

*  ఈ గింజల్లో మాంగనీస్‌, పొటాషియం, మెగ్నీషియం, జింక్‌, కాపర్‌, ఇనుము ఉంటాయి. 100 గ్రాముల కార్న్‌ నుంచి 96 కిలోకెలొరీల శక్తి అందుతుంది.