చక్కని చిక్కుడు

పోషకాలమ్‌

ఈ కాలంలో చిక్కుడు కాయలు విరివిగా దొరుకుతాయి. ఏంటీ.. చిక్కుడు అనగానే ముఖం చిట్లిస్తున్నారు. వీటిలోని పోషకాల గురించి తెలుసుకుంటే తోలు, గింజ అని తేడా లేకుండా  తినేస్తారు!
* వంద గ్రాముల చిక్కుడు కాయల్లో దాదాపు మూడు వంతులకు పైగా నీరే ఉంటుంది. వీటి నుంచి 24 కెలొరీల శక్తి లభిస్తుంది. 4 గ్రా, మాంసకృత్తులు, 2 గ్రా., పిండిపదార్థాలు,  పీచు 9 గ్రా ఉంటాయి. కొవ్వు ఉండదు. క్యాల్షియం 64 మి.గ్రా., ఫోలిక్‌ ఆమ్లం 20-40 మై.గ్రా.,  ఉంటాయి. వీటితోపాటు మెగ్నీషియం, మాంగనీస్‌, యాంటీఆక్సిడెంట్లు పుష్కలం.
* ఈ గింజల్లో అధికంగా ఉండే ఎల్‌- డోపమైన్‌ అనే రసాయనం పార్కిన్‌సన్స్‌ను రాకుండా అడ్డుకుంటుంది. చిక్కుడు కాయలోని కొన్ని రసాయనాలు సంతోష హార్మోన్‌ విడుదలకు తోడ్పడతాయి. కాబట్టి ఒత్తిడిగా, ఆందోళనగా ఉన్నప్పుడు ఈ కూర తిని చూడండి.  
* బాలింతలు, గర్భిణులు, వ్యాయామం చేసేవారికి చక్కటి ఎంపిక.
* కెరొటినాయిడ్‌ సమ్మేళనాలు సమృద్ధిగా ఉండి కాలేయ ఆరోగ్యాన్ని కాపాడతాయి.  
* వీటిలో క్యాల్షియం, విటమిన్‌-డి ఉండటం వల్ల ఎముకలకూ మంచిది.
* ఎండిన చిక్కుడు గింజలను కూరల్లో ఏడాది పొడవునా వాడుకోవచ్చు.
* బరువును నియంత్రణలో ఉంచుతాయి. గుండె ఆరోగ్యానికీ మంచివి.
* దీనిలోని పీచు జీర్ణవ్యవస్థ ఆరోగ్యంతోపాటు పేగు క్యాన్సర్లు రాకుండా చూస్తుంది.