హిమక్రీములకో మ్యూజియం!

ఐస్‌క్రీంని చూస్తే పెద్దవాళ్లూ.. చిన్నపిల్లల్లా అయిపోతారు. ఒక ఐస్‌క్రీంకే మనసు పారేసుకునే మనకు... ఇక ఎటుచూసినా రంగురంగుల క్యాండీలు, నోరూరించే పాప్‌సికెల్స్‌ సందడి చేస్తే? సింగపూర్‌లోని ఐస్‌క్రీం మ్యూజియంలో అడుగుపెడితే ఇటువంటి అనుభూతే కలుగుతుంది. 60వేల చదరపు అడుగుల స్థలంలో తీర్చిదిద్దిన వివిధ రకాల ఐస్‌క్రీం బొమ్మలు మనల్ని అక్కడ నుంచి రాలేనంతగా కట్టిపారేస్తాయి. అందుకే స్ప్రింకెల్‌పూల్‌, డ్రాగన్‌ప్లేగ్రౌండ్‌ వంటి చోట పిల్లలూ, పెద్దలూ కూడా సెల్ఫీలు తీసుకుని మురిసిపోతుంటారు. కేవలం సెల్ఫీలతోనే సరిపెట్టుకోవాల్సిన అవసరం లేదు. అరుదుగా దొరికే ఐస్‌క్రీం రకాలని తక్కువ ధరకే కొనుక్కొని తినొచ్చు. ఆన్‌లైన్‌లో ఆర్డర్‌ ఇచ్చే అవకాశం కూడా ఉంది.