బెంగాలి పులస!
బెంగాలీలంతా చిటచిటచినుకుల వర్షాకాలం కోసం ఏడాదంతా ఆత్రంగా ఎదురుచూసేది కేవలం వర్షం మీద ప్రేమతోనే కాదు... వాళ్లకిష్టమైన హిల్సా
పొరుగింటి పసందు
బెంగాలీలంతా చిటచిటచినుకుల వర్షాకాలం కోసం ఏడాదంతా ఆత్రంగా ఎదురుచూసేది కేవలం వర్షం మీద ప్రేమతోనే కాదు... వాళ్లకిష్టమైన హిల్సా చేప కోసం కూడా. వరదనీటికి హిల్సా కొట్టుకొచ్చిందంటే వాళ్ల వంటింటికి పండగ వచ్చినట్టే!
హిల్సాచేప ఇంటికొస్తే ఆ చేపని ఎన్ని రకాలుగా వండవచ్చో అన్ని రకాలుగానూ వండటానికి ప్రయత్నిస్తారు బెంగాలీ ఇల్లాళ్లు. సగం ఆవపెట్టి వండితే... తక్కిన సగం ఆవిరిమీద వండే భాపా వండాలా? పులుసు పెట్టాలా అని ఆలోచిస్తారు. ఆ చేప చేతికి చిక్కాలే కానీ... బోలెడు రకాల వంటకాలు చేయడానికి సిద్ధంగా ఉంటారు. వెండి రంగులో మిసమిసలాడిపోతూ సముద్రం నుంచి నదిలోకి వచ్చే హిల్సా లేదా ఇల్లిష్ చేపలో రెండు రకాలు ఉంటాయి. ఒకటి పద్మారకం. రెండోది గంగానదిలో దొరికే కోలాఘాట్ రకం. మొదటి రకాన్ని బంగ్లాదేశ్ నుంచి వచ్చిన కాందిశీకులు ఇష్టంగా తింటే కోలాఘాట్ రకాన్ని బెంగాలీలు ఇల్లిష్ మచ్చో అని పిలుచుకుంటూ పూజల్లో నైవేద్యంగా కూడా పెడతారు. హిల్సాతో పోష్తో ఇల్లిష్, భాపా ఇల్లిష్, భాజా, పాటూరీ, బిర్యానీ వంటివన్నీ చేసుకుంటారు.
భాపా
కావాల్సినవి: హిల్సా చేపముక్కలు- కేజీ, నల్ల ఆవాలు- చెంచా, మామూలు ఆవాలు- చెంచా, పచ్చిమిర్చి- మూడు, అల్లం- కొద్దిగా, ఆవనూనె- మూడుచెంచాలు, ఉప్పు- తగినంత
తయారీ: చేపముక్కలని శుభ్రం చేసి పసుపు, ఉప్పు పట్టించి పక్కన పెట్టుకోవాలి. ఆవాలు, పచ్చిమిర్చి, అల్లం, ఉప్పు, పసుపు వేసి అన్నింటిని మెత్తని పేస్ట్లా రుబ్బుకోవాలి. ఒక పాన్లో చేపముక్కలు ఉంచి.. వాటికి ముందుగా రుబ్బి సిద్ధం చేసుకున్న ఆవ మిశ్రమాన్ని చేపకి దట్టంగా పట్టించాలి. ఆ ముక్కలపై నుంచి ఆవనూనె పోసుకోవాలి. ఇప్పుడు కుక్కర్లో రెండు గ్లాసుల నీళ్లు పోసుకుని అందులో ఈ చేపముక్కలున్న పాన్ని ఉంచి విజిల్ పెట్టకుండా మూతపెట్టేయాలి. ఆవిరి మీద పదినిమిషాల్లో చేప ఉడుకుతుంది.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
అత్యాచారం కేసు.. హాలీవుడ్ నిర్మాత హార్వే వేన్స్టీన్కు ఊరట
-
VI 2.0కు నాంది.. మళ్లీ పుంజుకొంటాం: కుమార మంగళం బిర్లా
-
ఈనాడు.నెట్లో టాప్ 10 వార్తలు @ 9PM
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?