ఉలవచారుకు రెస్టారెంట్ రుచి
ఉలవచారు అప్పటికప్పుడే చేసుకుంటే రుచి రాదు. దీన్ని చేయడానికి ఉలవలను కనీసం ఏడెనిమిది గంటలపాటు నానబెట్టాలి. అలాగే కప్పు ఉలవలు నానబెట్టడానికి కనీసం ఎనిమిది కప్పుల నీళ్లు పోయాలి. ఈ నానబెట్టిన నీళ్లలోనే వాటిని ఉడికించాలి. కుక్కర్లో అయితే అయిదారు కూతలు వచ్చేవరకు ఉడికించాలి.
ఇంట్లో చేసుకునే ఉలవచారుకు రెస్టారెంట్ రుచి రావాలంటే ఏం చేయాలి?
- రమ్య, హైదరాబాద్
ఉలవచారు అప్పటికప్పుడే చేసుకుంటే రుచి రాదు. దీన్ని చేయడానికి ఉలవలను కనీసం ఏడెనిమిది గంటలపాటు నానబెట్టాలి. అలాగే కప్పు ఉలవలు నానబెట్టడానికి కనీసం ఎనిమిది కప్పుల నీళ్లు పోయాలి. ఈ నానబెట్టిన నీళ్లలోనే వాటిని ఉడికించాలి. కుక్కర్లో అయితే అయిదారు కూతలు వచ్చేవరకు ఉడికించాలి. ఈ మరిగించిన ఉలవల నీటిని వడకట్టి ఆ నీళ్లతోనే ఉలవచారు చేసుకోవాలి. ఈ నీటిలో కాస్తంత చింతపండు నానబెట్టాలి. దీన్ని చిదిమి పిప్పితీసి ఒకసారి వడకట్టుకోవాలి. వడకట్టి పక్కన పెట్టుకున్న ఉలవల నీటిలో మళ్లీ నీళ్లు కలపొద్దు. ముడి కారాన్ని వాడాలి. తాలింపులో కేవలం ఆవాలు, ఎండుమిర్చి, జీలకర్ర మాత్రమే వేసుకోవాలి. ఉడకబెట్టిన ఉలవలను గుగ్గిళ్ల రూపంలో తీసుకోవచ్చు లేదా మెత్తగా చిదిమి చారులో కలిపేసుకోవచ్చు. ఇలా చేస్తే చారు చిక్కగా వస్తుంది. తాలింపులో కచ్చాపచ్చాగా దంచుకున్న వెల్లుల్లి రెబ్బలు కూడా వేస్తే ప్రత్యేకమైన రుచి వస్తుంది. కరివేపాకు వేయడం మరిచిపోవద్దు. ఉల్లిపాయలు రెండు విధాలుగా వేసుకోవచ్చు. పచ్చివి కలపొచ్చు లేదా తాలింపులో వేయించుకోవచ్చు. పసుపు, కారం తాలింపులో వేసుకోండి, రుచి మెరుగుపడటానికి చిన్న బెల్లం ముక్క జత చేయొచ్చు.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ముందు మీరు రాయ్బరేలీలో గెలవండి.. రాహుల్కు సలహా ఇచ్చిన చెస్ దిగ్గజం
-
నేటి రాశి ఫలాలు.. 12 రాశుల ఫలితాలు ఇలా... (04/05/24)
-
పాలస్తీనా మద్దతుదారులకు హిమ్స్ సంస్థ సీఈఓ గుడ్న్యూస్
-
‘తుపాకీతో బెదిరించి.. అత్యాచారం చేసి..’ - ప్రజ్వల్పై మహిళ ఫిర్యాదు
-
అషు ‘సూపర్ డీలక్స్ బాడీ’.. సాగరకన్యలా నోరా ఫతేహి!
-
3 నెలల్లో 2 కోట్ల ఖాతాలపై వాట్సప్ నిషేధం