తక్షణ శక్తికి సపోటా

సపోటా పండు చూడగానే నోరూరుతుంది. తియ్యటి గుజ్జు నోట్లో వేసుకోగానే కరిగిపోతుంది. ఇది రుచికరమే కాదు బోలెడు పోషకాలనూ అందిస్తుంది. అవేంటంటే..

* ఈ పండులో ఇనుము, పోటాషియం, కాపర్‌, క్యాల్షియం, మెగ్నీషియం, జింక్‌, ఫాస్ఫరస్‌ లాంటి ఖనిజాలు, యాంటీఆక్సిడెంట్లు, పోషకాలు, పీచు పుష్కలంగా ఉంటాయి. వంద గ్రాముల సపోటాల నుంచి 98 కెలొరీల శక్తి లభిస్తుంది.
* అధిక మొత్తంలో కెలొరీలుండే ఈ పండు తక్షణ శక్తిని అందిస్తుంది. జీర్ణక్రియ సక్రమంగా సాగేలా చూస్తుంది.
* ఈ పండులో విటమిన్‌ ఎ మెండుగా ఉంటుంది. దీన్ని తీసుకుంటే కంటి ఆరోగ్యానికి మంచిది. రోగనిరోధకతను పెంచే విటమిన్‌-సి పుష్కలం.
* ఈ పండులోని సుగుణాలు కాలేయాన్ని ఆరోగ్యంగా ఉంచి, ఫ్రీరాడికల్స్‌ను నాశనం చేస్తాయి.
* డయేరియాకు మందుగా పనిచేస్తుంది.పేగు ఆరోగ్యానికి మంచిది. బ్యాక్టీరియల్‌ ఇన్‌ఫెక్షన్స్‌ను తగ్గిస్తుంది.
* యాంటీ వైరల్‌, యాంటీ బ్యాక్టీరియల్‌ సమ్మేళనాలు మెండుగా ఉంటాయి.