ఇవి తింటే... తాజా శ్వాస!

ఇంట్లోంచి బయటకొచ్చామంటే కాలుష్యం బారిన పడుతున్నట్టే. ఈ ప్రభావానికి ముందుగా లోనయ్యేవి ఊపిరితిత్తులే. అందుకే  వాటి ఆరోగ్యాన్ని కాపాడే ఆహారం గురించి తెలుసుకుందాం..

బీట్‌రూట్‌: ఈ దుంపలో నైట్రేట్‌లు ఎక్కువగా ఉంటాయి. ఇవి ఊపిరితిత్తుల సామర్థ్యాన్ని పెంచి ఎక్కువ ఆక్సిజన్‌ తీసుకొనేలా చేస్తాయి.

యాపిల్‌: ధూమపానం చేసి ఊపిరితిత్తుల సామర్థ్యం తగ్గినవారిలోనూ... అవి తిరిగి పుంజుకోవడానికి యాపిల్స్‌ సహకరిస్తాయని అధ్యయనాలు చెబుతున్నాయి. వారానికి ఐదు నుంచి ఆరు యాపిల్స్‌ తినడం వల్ల ఊపిరితిత్తుల సామర్థ్యం గణనీయంగా పెరుగుతుందట.

పసుపు: దీనిలోని కర్‌క్యుమిన్‌ అనే ప్రత్యేక మూలకం ఉండటంతోపాటు... యాంటీ ఇన్‌ఫ్లమేటరీ గుణాలు పుష్కలంగా ఉండటం వల్ల ఊపిరితిత్తులకు మేలు జరిగి వాటి సామర్థ్యం పెరుగుతుంది.

పెరుగు: శ్వాస సంబంధ సమస్యలకు కారణమయ్యే సీˆఓపీడీని పెరుగులోని క్యాల్షియం అడ్డుకుంటుందని జపాన్‌లో తాజాగా జరిగిన అధ్యయనాలు చెబుతున్నాయి.