Ap News: ప్రజలను మెప్పించలేక ప్రతిపక్షం గొంతు నొక్కే ప్రయత్నాలు: నారా లోకేశ్‌

అమరావతి‌: జగన్‌ సీఎం అయ్యాక రాష్ట్ర ప్రజలు, ప్రతిపక్షాలకు రక్షణ లేకుండా పోయిందని తెదేపా జాతీయ ప్రధాన కార్యదర్శి నారా లోకేశ్‌ విమర్శించారు. గుంటూరు జిల్లా వెల్దు్ర్తి మండలం గుండ్లపాడులో ఇవాళ ఉదయం మాచర్ల తెదేపా ఇన్‌ఛార్జ్‌ జూలకంటి బ్రహ్మారెడ్డి అనుచరుడు చంద్రయ్య దారుణ హత్యపై లోకేశ్‌ స్పందించారు. ప్రశ్నించే వారిపై దాడులు, పోరాడేవారిని అంతమొందించడం పరిపాటిగా మారిందన్నారు. పాలనలో ప్రజలను మెప్పించలేకనే ప్రతిపక్షం గొంతు నొక్కే ప్రయత్నాలు చేస్తున్నారని మండిపడ్డారు. చంద్రయ్య హత్యను తాను తీవ్రంగా ఖండిస్తున్నానని.. హత్యకు పాల్పడిన వారిని వెంటనే అరెస్టు చేసి శిక్షించాలని లోకేశ్‌ డిమాండ్ చేశారు. చంద్రయ్య కుటుంబానికి తెదేపా అండగా ఉంటుందని భరోసా ఇచ్చారు.