‘ఈనాడు’ చొరవతో తాగునీటి ట్యాంకులు శుభ్రం

ఈనాడు, అనంతపురం: నెలల తరబడి శుభ్రతకు నోచుకోని తాగునీటి ట్యాంకులకు ‘ఈనాడు’ చొరవతో మోక్షం లభించింది. శ్రీసత్యసాయి, అనంతపురం జిల్లాల్లోని అధికార యంత్రాంగం, ప్రజాప్రతినిధులు, పారిశుద్ధ్య సిబ్బందిని ‘ఈనాడు’ బృందం ఏకతాటిపైకి తెచ్చింది. ప్రస్తుత సీజన్‌లో కలుషిత నీటితో వచ్చే అనారోగ్య సమస్యలను స్థానికులకు వివరించి వారినీ ఈ క్రతువులో భాగస్వామ్యం చేసింది. ఫలితంగా శని, ఆదివారాల్లో ఉద్యమ స్ఫూర్తితో జరిగిన కార్యక్రమంలో మొత్తం 42 ట్యాంకులు శుభ్రమయ్యాయి. ట్యాంకుల్లో పాత నీరు తీసేసి.. కడిగి.. బ్లీచింగ్‌ పౌడర్‌ చల్లి శుభ్రం చేశారు. దీర్ఘకాలిక సమస్య పరిష్కారం కావడంతో ప్రజలు ఆనందం వ్యక్తం చేశారు.