న్యాయమూర్తుల బదిలీలను పునఃపరిశీలించాలి

ఈనాడు, అమరావతి: ఏపీ హైకోర్టు న్యాయమూర్తులు జస్టిస్‌ బట్టు దేవానంద్‌, జస్టిస్‌ డి.రమేశ్‌ల బదిలీ సిఫారసులను వ్యతిరేకిస్తూ హైకోర్టు వద్ద న్యాయవాదులు నిరసన కార్యక్రమం చేపట్టారు. బదిలీలను తక్షణం నిలిపివేయాలని నినాదాలు చేశారు. సిఫారసులను పునఃపరిశీలించాలని సుప్రీంకోర్టు కొలీజియంకు విజ్ఞప్తి చేశారు. ఏపీ అడ్వొకేట్స్‌ ఐకాస కన్వీనర్లు వై.కోటేశ్వరరావు(వైకే), జడ శ్రావణ్‌కుమార్‌, డీఎస్‌ఎన్వీ ప్రసాదబాబు, జీవీ శివాజీ, వాసిరెడ్డి ప్రభునాథ్‌ ఆధ్వర్యంలో గురువారం మధ్యాహ్నం భోజన విరామ సమయంలో హైకోర్టు వద్ద నిరసన కార్యక్రమం చేపట్టారు. ఈ కార్యక్రమంలో న్యాయవాదులు బేతపూడి మనోజ్‌కుమార్‌, బషీర్‌ అహ్మద్‌, వై.సోమరాజు, ఎం.శివకుమార్‌, పొట్లూరి సుదీప్తి, కోట కృష్ణదీప్తి, జి.స్వరాజ్యం, ఎన్‌.రజని, సలీంపాషా, కె.కె.దుర్గాప్రసాద్‌, దిల్లీబాబు, గంగిశెట్టి రాజేశ్వరరావు, ఎండీ సలీం, షేక్‌ అబ్దుల్‌ రజాక్‌, కంచర్లపల్లి శివరామప్రసాదు, సైకం రాజశేఖర్‌ తదితరులు పాల్గొన్నారు.