ట‌ర్మ్ బీమా పాల‌సీతో కుటుంబానికి భ‌రోసా

ఎవ‌రైనా ప‌ద‌వీ విర‌మ‌ణ త‌ర్వాత ఎలాంటి ఆర్థిక ఇబ్బంది లేకుండా సంతోషంగా జీవ‌నం గ‌డుపుతున్నారంటే దాని అర్థం వారికి మంచి ఆర్థిక ప్ర‌ణాళిక క‌లిగి ఉన్నార‌ని. స‌రైన స‌మ‌యంలో త‌గిన నిర్ణ‌యాలు తీసుకుంటే వృద్ధాప్యంలో ఆనందంగా జీవించ‌డంతో పాటు వారి పిల్ల‌లు కూడా మంచి స్థాయిలో ఉండ‌గ‌లుగుతారు. మ‌న‌లో చాలా మంది ఎక్కువ ఆదాయం ఉన్న‌వారికోసమే ఆర్థిక ప్ర‌ణాళిక అవ‌స‌రం అనుకుంటారు. కానీ అది త‌ప్పు. ఒక భ‌వ‌నానికి పునాది ఎంత అవ‌స‌ర‌మో, ఆర్థిక జీవ‌నానికి ప్ర‌ణాళిక అంత అవ‌స‌రం. అంతా సాఫీగానే ఉన్న స‌మ‌యంలో ఇంట్లో ఒక‌రికి అనుకోని ప్ర‌మాదం లేదా ఏమైనా అనుకోని ఘ‌ట‌న జ‌రిగిన‌ప్పుడు కుటుంబం మొత్తంపై ప్ర‌భావం ప‌డుతుంది. ముఖ్యంగా ఇంటి య‌జ‌మానికి ఏమైనా అయితే ఆ కుటుంబం చిన్నాబిన్న‌మ‌వుతుంది. అదే ఒక ట‌ర్మ్ బీమా ప్లాన్ ఉంటే ఆ స‌మ‌యంలో తోడ్పాటునిస్తుంది.

త‌క్కువ ఖ‌ర్చుతో ఎక్కువ క‌వ‌రేజ్ ఉన్న పాల‌సీ:

ఒక కుటుంబం వినోదానికి ఎంత ఖ‌ర్చు చేస్తుంది. ఉదాహ‌ర‌ణ‌కు హెచ్‌డీ కేబుల్ క‌నెక్ష‌న్ కోసం నెల‌కు రూ.540, నెట్‌ఫ్లిక్స్ కోసం రూ.640, థియేట‌ర్లో సినిమా చూసేందుకు కుటుంబానికి రూ.1000 ఖ‌ర్చు చేస్తున్నార‌నుకుందాం. ఇవ‌న్నీ సంతోషాన్నిచ్చేవే. వీటితో పాటు నెల‌కు రూ.536 తో కోటి రూపాయ‌ల‌ ట‌ర్మ్ ప్లాన్ తీసుకుంటే అనుకోని సంఘ‌ట‌న‌లు ఎదురైన‌ప్ప‌టికీ వాటిని ఎదుర్కోగ‌లుగుతారు.

క్ష‌ణాల్లో పాల‌సీ తీసుకోండి:

ఈ బిజీ జీవితాల్లో సమ‌యం అన్న‌ది అన్నింటికంటే విలువైన‌ది. 21 వ శ‌తాబ్దంలో స‌మ‌యం వృథా కాకుండా ఏదైనా క్ష‌ణాల్లో పూర్త‌య్యే ఆవిష్క‌ర‌ణ‌లు జ‌రుగుతున్నాయి. ఇదివ‌ర‌కు ఉన్న‌ట్లుగా గంట‌ల త‌ర‌బ‌డి బ్యాంకులు, బిల్లుల చెల్లింపులు, రైలు టిక్కెట్ల కోసం వ‌రుస‌లో నిల‌బ‌డ‌టం లేదు. అన్ని డిజిట‌ల్ అయిపోయాయి. క్ష‌ణాల్లో ప‌నులు జ‌రిగిపోతున్నాయి. ట‌ర్మ్ ప్లాన్ కూడా అంతే. మీ మొబైల్ ద్వారా క్ష‌ణాల్లో పాల‌సీని కొనుగోలు చేసే అవ‌కాశం ఉంది.

శ్ర‌మ అక్క‌ర్లేదు:

గ‌తంలో బీమా పాల‌సీ తీసుకునేందుకు చాలా ప‌త్రాలు జారీచేయ‌వ‌ల‌స‌రి వ‌చ్చేది. పాల‌సీ ప‌త్రాల‌ను అన్నింటిని పూరించి స‌మ‌ర్పించ‌వ‌లసి వ‌చ్చేది. అయితే ఇప్పుడు ఆధార్‌, పాన్‌, ఆదాయం వంటి కొన్ని వివ‌రాల‌ను ఆన్‌లైన్‌లో ఎంట‌ర్ చేయ‌డం ద్వారా ట‌ర్మ్ ప్లాన్ తీసుకోవ‌చ్చు. కొన్ని సంద‌ర్భాల్లో వైద్య చికిత్స‌ల దృవీక‌ర‌ణ ప‌త్రాలు అవ‌స‌ర‌మైన‌ప్ప‌డు ప‌రీక్ష‌లు చేసుకునేందుకు స‌మ‌యం తీసుకోవ‌చ్చు. అయితే అది కూడా ఇప్పుడు ఆన్‌లైన్ ద్వారా వైద్యుని అపాయింట్‌మెంట్ తీసుకొని స‌మ‌యానికి వెళ్ల‌వ‌చ్చు.

డిజిట‌ల్ స్టోరేజ్‌:

ముఖ్య‌మైన ప‌త్రాల‌ను పొగొట్టుకుంటే తిరిగి పొంద‌డం చాలా క‌ష్టం. మ‌రి ఇప్పుడు అన్ని ప‌త్రాలు డిజిట‌ల్ రూపంలోనే. ట‌ర్మ్ ప్లాన్ తీసుకున్ప‌ప‌పుడు అనుకోకుండా పాల‌సీదారుడు మ‌ర‌ణిస్తే క్లెయిమ్ చేసుకునేట‌ప్పుడు అవ‌స‌ర‌మైన ప‌త్రాలు స‌మ‌ర్పించ‌డం క‌ష్టమైపోతుంది. అయితే ఆన్‌లైన్ పాల‌సీలతో అన్ని డిజిట‌ల్ రూపంలో ఉండటం వ‌ల‌న ఎలాంటి స‌మ‌స్య‌లు ఉండ‌వు.