ఈ ఏడాది 2 3 సార్లు రెపో రేటు పెరగొచ్చు

కేకీ మిస్త్రీ అంచనా

ముంబయి: వడ్డీ రేట్ల విషయంలో ఆర్‌బీఐ వెనకబడి ఏమీ లేదని.. ఈ ఏడాది రెండు లేదా మూడు సార్లు రెపో రేటును పెంచే అవకాశం ఉందని హెచ్‌డీఎఫ్‌సీ వైస్‌ ఛైర్మన్‌, సీఈఓ కేకీ మిస్త్రీ అంచనా వేస్తున్నారు. ఉద్యోగ సృష్టి, ఆదాయ స్థాయుల పెంపు, వినియోగంలో వృద్ధికి కారణమయ్యేలా ఆర్థిక వ్యవస్థలో వృద్ధిని కొనసాగించడం దేశానికి అత్యంత ముఖ్యమని ఆయన అన్నారు. వడ్డీ రేట్లు పెరిగినా ఆర్థిక వ్యవస్థపై ప్రభావం ఉండదని చెప్పారు. భారత ద్రవ్యోల్బణాన్ని అమెరికా ద్రవ్యోల్బణం (8.5%+)తో పోల్చరాదని  అన్నారు. ‘ముడిచమురు బ్యారెల్‌ ధర 75 డాలర్లుగా ఉండేది. ఇపుడు 107 డాలర్లకు వచ్చింది. పూర్తి ఏడాది ఇదే రేటు కొనసాగకపోవచ్చు. 90- 95 డాలర్ల వద్ద స్థిరపడుతుందని అనుకుంటే రాబోయే రోజుల్లో ద్రవ్యోల్బణం కిందకు దిగి వస్తుంద’ని మిస్త్రీ అంచనా వేశారు.